ایس ایس پی آ پر یشنز محمد شعیب خان کا پولیس خدمت مرکز ایف سکس کا دورہ

اسلام آباد(کرائم رپورٹر)ایس ایس پی آ پر یشنز محمد شعیب خان کا پولیس خدمت مرکز ایف سکس کا دورہ شہریوں کو دی جانے والی سہولیات کا جائزہ لیا،سینئر پولیس افسران کو موثر سکیورٹی کے انتظامات کو یقینی بنانے اور شہریوں کو ہر ممکن سہولیات فراہم کرنے کے احکامات جاری کئے تفصیلات کے مطابق ایس ایس پی آ پر یشنز اسلام آ باد محمد شعیب خان نے پولیس خدمت مرکز ایف سکس کا دورہ کیا،انہوں نے پولیس خدمت مرکز میں سکیورٹی انتظامات اور ریکارڈ کی جانچ پڑتال کی ، شہریوں کو فراہم کی جانے والی سہولیات کا جائزہ لیااور انچارج خدمت مرکز کو شہریوں کو ہر ممکن سہولیات دینے کی ہدایت کی،اس موقع پر انہوں نے کہا کہ شہریوں کو زیادہ سے زیادہ ریلیف دینے اور سہولیات فراہم کرنے کیلئے پولیس خدمت مراکز میں تربیت یافتہ عملہ تعینات کیا گیا ہے جو پاکستانی شہریوں کو خدمات فراہم کرنے کے ساتھ ساتھ غیر ملکیوں کو بہترین خدمات فراہم کرنے میں مصروف عمل ہے۔