اسلام آباد(کرائم رپورٹر)انسانی سمگلنگ اور ویزہ فراڈ میں ملوث 3 ملزمان گرفتار ایف آئی اے گوجرانوالہ زون کی بڑی کاروائیاں ویزا فراڈ اور انسانی سمگلنگ میں ملوث 3 ملزمان گرفتار گرفتار ملزمان کی شناخت ساجد محمود ، محمد افضل اور وسکین احمد کے نام سے ہوئی ملزمان کو کھاریاں اور گجرانوالہ سے گرفتار کیا گیا ملزم ساجد نے شہری کو اٹلی ملازمت کی غرض سے بھجوانے کے لیے 8 لاکھ 60 ہزار روپے ہتھیائے جبکہ ملزم محمد افضل اور وسکین احمد نے شہریوں کو ملائیشیاء ملازمت کی غرض سے بھجوانے کے لیے 55 لاکھ روپے وصول کیے ملزمان شہریوں کو بیرون ملک بھجوانے میں ناکام رہےملزمان بھاری رقوم وصول کر کے روپوش ہو گئے تھےملزمان کو گرفتار کر کے تفتیش کا آغاز کر دیا گیا ہے .
ڈائریکٹر گجرانوالہ زون عبدالقادر قمر نے کہا کہ انسانی سمگلنگ میں ملوث عناصر کے خلاف کریک ڈاون جاری ہےانسانی سمگلنگ کے نیٹ ورک کے خلاف کارروائیاں مزید تیز کر دی گئی ہیں کشتی حادثے میں ملوث ایجنٹوں کی گرفتاری کے لئے تمام تر وسائل کو بروئے کار لایا جارہا ہے ملک کے تمام ائرپورٹس پر تعینات افسران ایجنٹوں کے گرفتاری کے لئے کڑی نگرانی کر رہے ہیں معصوم جانوں سے کھیلنے والوں کو انصاف کے کٹہرے میں لایا جائے گا انہوں نے مزید کہا کہ ایف آئی اے کی ٹیمیں انسانی سمگلنگ کے متاثرین سے مسلسل رابطے میں ہیں انسانی سمگلنگ کے خلاف زیرو ٹالرنس پالیسی پر عمل جاری ہے گرفتار انسانی سمگلروں کو قانون کے مطابق سخت سزائیں دلوائی جائیں گی بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے گا .
