اسلام آباد(کرائم رپورٹر)نیشنل پولیس فاونڈیشن پاکستان پولیس فورس کے لئے ہر شعبے میں اپنا بھرپور کردار ادا کرنے کے لئے پرعزم مینیجنگ ڈائریکٹر نیشنل پولیس فاونڈیشن سید علی ناصر رضوی کی زیر صدارت “این پی ایف ترکش ہسپتال” کے پروجیکٹ کو فعال کرنے ،پولیس افسران کے ریکارڈ کو اپڈیٹ کرنے اور جدید تقاضوں کے عین مطابق رہائشی پراجیکٹس کا جائزہ لیا گیا تفصیلات کے مطابق مینیجنگ ڈائریکٹر نیشنل پولیس فاونڈیشن سید علی ناصر رضوی کی زیر صدارت نیشنل پولیس فاونڈیشن کے افسران کے ساتھ اہم اجلاسوں کا انعقاد کیا گیا،ایم ڈی این پی ایف نے صحت کے شعبہ ،رئیل اسٹیٹ اور دیگر پولیس ویلفیئر پراجیکٹس پر جاری کام کا جائزہ لیا.
انہوں نے تمام ڈائریکٹرز سے دیئے گئے ٹاسکس پر فالو اپ لیااور انہیں تمام جاری پراجیکٹس پر کام کو جلدی مکمل کرنے کے احکامات جاری کئے،اس موقع پر انہوں نے کہا کہ نیشنل پولیس فاونڈیشن پاکستان بھر کی پولیس فورس کے لئے ہر شعبے میں اپنا بھرپور کردار ادا کرنے کے لئے پرعزم ہے،تمام افسران دن رات ایک کرکے شہداءپولیس کے اہلخانہ ،غازیوں اور دیگر پولیس افسران کی ویلفیئر کے لئے بھرپور کام کریں ،انہوں نے صحت کے شعبہ میں پولیس افسران کی بھرپور ویلفیئر کے لئے “این پی ایف ترکش ہسپتال” کے پروجیکٹ کو مزید فعال کرنے کے لئے ڈائریکٹرز کو اہم ٹاسک سونپے، ایم ڈی نیشنل پولیس فاونڈیشن نے کہا کہ نیشنل پولیس فاونڈیشن صحت کے شعبے میں شہریوں، پولیس افسران اور انکے اہلخانہ کو بہترین ،معیاری اور جدید ترین سہولیات فراہم کرے گا.
انہوں نے ڈائریکٹرآئی ٹی سلیم رضا شیخ اور دیگر ڈائریکٹرز کے ساتھ بھی میٹنگ کی،مستقبل میں پاکستان بھر کی پولیس فورس کے لئے رئیل اسٹیٹ پراجیکٹس اور پولیس ویلفئیر کے دیگر پراجیکٹس کا جائزہ لیا،اس موقع پر انہوں نے کہا کہ عوام الناس کی جان و مال کی حفاظت کے دوران شہادت اور غازی کے مرتبہ پر فائز ہونے والے پولیس افسران اور ان کے اہلخانہ کی ویلفیئر ہماری اولین ترجیح ہے،نیشنل پولیس فاو¿نڈیشن تمام شہداءکے اہلخانہ ،غازیوں اور پولیس افسران کی فلاح و بہود کے لئے بھرپور اقدامات اٹھارہی ہے،تمام پولیس افسران کے لئے جدید سہولیات سے مزید رہائشی پراجیکٹس ،بچوں کے تعلیم و تربیت کے لئے سکول و کالجز اور صحت کی سہولیات بہم پہنچانے کے لئے جاری پراجیکٹس کو ناصر ف مزید فعال کیا جا رہا ہے ،بلکہ مستقبل میں مزید کئی نئے پراجیکٹس کو شروع بھی کیا جائے گا.
