اسلام آباد(کرائم رپورٹر)اسلام آباد ٹریفک پولیس ایجوکیشن ونگ کی جانب سے خیابان انٹر سیکشن پر روڈ سیفٹی مہم کا انعقاد کیا گیامہم کے دوران ٹریفک پولیس افسران نے کم عمر ڈرائیورز،بغیر ہیلمٹ موٹر سائیکل چلانے اوردیگر ٹریفک قوا نین اور روڈ سیفٹی کے متعلق شہریوں کو خصوصی آگاہی فراہم کی،آگاہی مہم سے ٹریفک قوانین کی خلاف ورزی میں نمایاں کمی واقع ہوئی جبکہ مہم کا مقصد قیمتی جانوں کا تحفظ کرنا ہےتفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات پر اسلام آباد ٹریفک پولیس ایجوکیشن ونگ کی جانب سے خیابان انٹر سیکشن پر روڈ سیفٹی مہم کا انعقاد کیا گیا.
مہم کے دوران ٹریفک پولیس افسران نے کم عمر ڈرائیورز،بغیر ہیلمٹ موٹر سائیکل چلانے اوردیگر ٹریفک قوا نین اور روڈ سیفٹی کے متعلق شہریوں کو خصوصی آگاہی فراہم کی،مہم کا بنیادی مقصد وفاقی دارلحکومت اسلام آباد میں ٹریفک کی روانی کو برقرار رکھنے کے ساتھ ٹریفک قوانین پر عملدارآمد کو یقینی بناناہے،تاکہ حادثات پر قابو پایا جا سکے، مہم سے ٹریفک قوانین کی خلاف ورزیوں میں نمایاں کمی واقع ہوئی ہے،اس سلسلے میں چیف ٹریفک آفیسر اسلام آباد کیپٹن ریٹائرڈ سید ذیشان حیدر نے تمام زونل ڈی ایس پیز کو خصوصی ہدایات جاری کی ہیںاور خصوصی دستے بھی تشکیل دئیے ہیں جو اسلام آباد کے مختلف اہم شاہراوں اور عوامی مقامات میں کم عمر ڈرائیورز،لین کی خلاف ورزی،سیٹ بیلٹ کا استعمال نہ کرنے،بغیر ہیلمٹ موٹر سائیکل چلانے اور دیگرٹریفک قوانین کی خلاف ورزی کرنے پر سخت قانونی کارروائی کے ساتھ شہریوں کوٹریفک قوانین اورروڈ سیفٹی کے متعلق آگاہی بھی فراہم کر رہے ہیں.
اس ضمن میں اسلام آباد ٹریفک پولیس آگاہی ونگ کی جانب سے آگاہی پمفلٹ بھی شہریوں کو دئیے جا رہے ہیں اور مختلف کالجوں اور یونیورسٹیوں میں ورکشاپس اور سیمینارز منعقد کر کے طلبا ءکوبھی روڈ سیفٹی اور ٹریفک قوانین کے متعلق آگاہی فراہم کی جارہی ہے،سی ٹی او اسلام آبادنے شہریوں سے اپیل کرتے ہوئے کہاکہ وہ اپنی ذمہ داری پوری کریں، قانون کی پاسداری کرتے ہوئے کم عمر بچوں کو گاڑی یا موٹر سائیکل چلانے سے باز رکھیں تاکہ قیمتی جانوں کے تحفظ کو یقینی بنایا جاسکے،وفاقی دالحکومت اسلام آباد میں ٹریفک قوانین کی پاسداری اور مربوط ٹریفک کا نظام اسلام آباد ٹریفک پولیس کی اولین ترجیحات میں شامل ہے.
