اسلام آباد(کرائم رپورٹر)انسداد انسانی سمگلنگ سرکل پشاور کی بڑی کاروائی وفاقی وزیر داخلہ محسن رضا نقوی کی ہدایات پر کشتی حادثات میں ملوث عناصر کے خلاف گھیرا تنگ لیبیا کشتی حادثے 2025 میں ملوث بین الاقوامی گینگ کا کارندہ گرفتار ملزم کی شناخت نواب خان کے نام سے ہوئی ملزم اور اس کے ساتھی افریقہ اور گلف ممالک سے انسانی سمگلنگ کا گینگ چلا رہے تھے ملزم کو چھاپہ مار کاروائی میں پشاور سے گرفتار کیا گیا ملزم رواں ماہ لیبیا میں ہونے والے کشتی حادثے میں ملوث ہے ملزم نے دیگر ساتھیوں کی ملی بھگت سے متعدد متاثرین کو یورپ بھجوانے کے لئے بھاری رقوم وصول کیں ملزمان نے شہریوں کو سمندر کے راستے یورپ بھجوانے کی کوشش کی جس میں کشتی حادثے میں خیبر پختونخواہ سے تعلق رکھنے والے متعدد شہریوں کی موت واقع ہوئی.

انسداد انسانی سمگلنگ سرکل پشاور نے چھاپہ مار کاروائی میں ملزم کے موبائل فون سے ویڈیوز، تصاویر، میسیجز اور بینک ٹرانزیکشنز بھی برآمد ملزم کے زیر استعمال بینک اکاؤنٹس کا سراغ لگا لیا گیا ہے، جو قانونی کارروائی کے بعد منجمد کر دیے جائیں گے بیرون ملک مقیم ایجنٹس تک رسائی کے لیے مالیاتی و دیگر شواہد کی جانچ جاری ہے ملزم کا نام پاسپورٹ کنٹرول لسٹ میں شامل کر دیا گیا ہے ابتدائی تفتیش کے مطابق ملزم افغان شہری ہے، جس نے جعلی پاکستانی شناختی کارڈ حاصل کر رکھا تھا ملزم کی شناخت کی تصدیق کے لیے نادرا سے ریکارڈ حاصل کر لیا گیا ہے ملزم کی جائیدادوں اور اس کے نام پر رجسٹرڈ گاڑیوں کی تفصیلات حاصل کرنے کے لئے متعلقہ حکام سے رابطہ کیا گیا ہے ملزم منی لانڈرنگ میں بھی ملوث پایا گیا جس کے لیے اینٹی منی لانڈرنگ ونگ کو تفصیلات فراہم کر دی گئی ہیں ملزم کو گرفتار کر کے تفتیش کا آغاز کر دیا گیا .

ڈائریکٹر پشاور زون نے کہا کہ انٹرپول کی مدد سے بیرون ملک سے انسانی سمگلنگ میں ملوث ملزمان کی گرفتاری عمل میں لائی جا رہی ہےکشتی حادثات میں ملوث عناصر کے خلاف کریک ڈاون جاری ہےملزمان کی گرفتاری کے لئے تمام تر وسائل کو بروئے کار لایا جا رہا ہےانٹلیجنس بنیادوں پر انسانی سمگلروں کے خلاف کاروائیاں جاری ہیں کسی شخص کو بھی معصوم لوگوں کی زندگیوں سے کھیلنے کی اجازت نہیں ٹھوس شواہد کی روشنی میں ملزمان کو قرار واقعی سزائیں دلوائیں گے۔