راولپنڈی(کرائم رپورٹر)ایس پی صدر محمد نبیل کھوکھر کی زیر صدارت صدرآفس میں میٹنگ، میٹنگ میں صدر ڈویژن کے ایس ڈی پی اوز، ایس ایچ اوز اور تفتیشی افسران کی شرکت کی،ایس پی صدر نے افسران کی کارکردگی کا جائزہ لیا اور ہدایات دیں، ایس پی صدر نے زیر تفتیش مقدمات میں ملوث ملزمان کی گرفتاری، چالان کی تکمیل، شواہد کے حصول، ملزمان کی سزایابی کے حوالے سے ٹائم لائن دیتے ہوئے ضروری ہدایات دیں۔تفصیلات کے مطابق ایس پی صدر محمد نبیل کھوکھر کی زیر صدارت صدرآفس میں میٹنگ کا انعقاد کیا گیا.
میٹنگ میں صدر ڈویژن کے ایس ڈی پی اوز، ایس ایچ اوز اور تفتیشی افسران نے شرکت کی،ایس پی صدر نے افسران کی کارکردگی کا جائزہ لیا اور ہدایات دیں، ایس پی صدر نے زیر تفتیش مقدمات میں ملوث ملزمان کی گرفتاری، چالان کی تکمیل، شواہد کے حصول، ملزمان کی سزایابی کے حوالے سے ٹائم لائن دیتے ہوئے ضروری ہدایات دیں،ایس پی صدر محمد نبیل کھوکھر کا کہنا تھاکہ قتل، رابری، سٹریٹ کرائم سمیت دیگر سنگین مقدمات میں ملوث ملزمان کی گرفتاری کو یقینی بناتے ہوئے چالان بروقت مرتب کیے جائیں، منشیات کے ناسور کے خاتمے کے لیے منشیات فروشوں کے خلاف جاری کریک ڈاؤن میں تیزی لائی جائے، ایس ڈی پی اوز سنگین مقدمات کی تفتیش کی خود خصوصی نگرانی کریں .
اشتہاری مجرمان کے خلاف کاروائیوں میں تیزی لائی جائے، کار و موٹرسائیکل چوری کی روک تھام کے لیے مربوط حکمت عملی کے تحت گشت کو موثر بنایا جائے، تھانہ میں آنے والے شہریوں سے خوش اخلاقی سے پیش آتے ہوئے ان کے مسائل ترجیح بنیادوں پر حل کیے جائیں، شہریوں کی جان ومال کا تحفظ اور ان کو سہولیات کی فراہمی اولین ذمہ داری ہے جس کے لیے تمام وسائل بروئے کارلائے جارہے ہیں۔
