اسلام آباد(کرائم رپورٹر)اسلام آبادپولیس سکیورٹی ڈویژن سے ریٹائرڈ ہونے والے ڈی ایس پی غلام جیلانی کے اعزاز میں الوداعی تقریب کا انعقادایس ایس پی سکیورٹی ڈویژن محمد سرفراز ورک کی بطور مہمان خصوصی تقریب میں شرکت ،ریٹائرڈ پولیس افسرکی محکمہ پولیس کے لئے خدمات کو سراہا اور اعزازی پولیس شیلڈ بھی پیش کی تفصیلات کے مطابق اسلام آباد پولیس سکیورٹی ڈویژن سے ریٹائرڈ ہونے والے ڈی ایس پی غلام جیلانی کے اعزاز میں سکیورٹی ڈویژن میں الوداعی تقریب منعقد کی گئی،تقریب میں ایس ایس پی سکیورٹی ڈویژن محمد سرفراز ورک نے بطور مہمان خصوصی شرکت کی .
اس موقع پرایس پی پرائم منسٹر ہاﺅس راجہ ظہیر سمیت دیگر پولیس افسران بھی موجود تھے،ایس ایس پی سکیورٹی ڈو یژن نے ریٹائرڈ ہونے والے پولیس افسرکے لئے نیک خواہشات کا اظہار کیا ،انہوں نے ریٹائر ڈہونے والے پولیس افسرکی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے، جس نے سروس شروع کی وہ ایک دن ریٹائر بھی ہو گا،آپ نے ایک لمبا عرصہ محکمہ پولیس کی خدمت کی اب محکمے کو آپ کی خدمت کرنے کی ضرورت ہے، دوران سروس ہم سب کی کوشش ہونی چاہیے کہ کچھ ایسے کارنامے انجام دئیے جائیں، جن سے آپ کا نام روشن ہو اور آپ کے کردار کو اچھے الفاظ میں یاد رکھا جائے ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ تعالیٰ کی خوشنودی حاصل کی جائے .
انہوں نے مزید کہا کہ ریٹائرڈ ہونے والے پولیس افسر نے اپنا زندگی کا قیمتی حصہ محکمہ پولیس میں گزار کر عوام کی خدمت کی اس کے بدلے محکمہ پولیس نے بھی آپ کو عزت، وقار اور ایک مقام دیا جس پر آپ کو اللہ کا شکر گزار ہونا چاہیے ،انھوں نے مزید کہا کہ آپ کو کوئی بھی نجی و سرکاری مسئلہ درپیش ہو تو میرے دفتر کا دروازہ ہر وقت آپ کیلئے کھلا ہے، آخر میں مہمان خصوصی نے ریٹائرڈ ہونے والے پولیس آفیسر کی خد مات کو سراہتے ہوئے اعزازی پولیس شیلڈز پیش کی اور ان کے لئے نیک خواہشات کا اظہار کیا،ریٹائرڈہونے والے ڈی ایس پی غلام جیلانی نے بطور کانسٹیبل محکمہ پولیس میں شمولیت اختیار کی اور مختلف محکمانہ کورسز مکمل کرنے کے بعد ڈی ایس پی کے عہدے تک پہنچے اور دوران سروس بہترین ریکارڈ کے ساتھ پولیس کے مختلف ڈویژنزمیں اپنی خدمات سرانجام دیں .
