تھانہ صدر بیرونی گھر میں ڈکیتی کی 15 کال پر رسپانڈ کرنے والی پولیس ٹیم پر ڈاکوؤں کی فائرنگ،فائرنگ کے دوران ایک ڈاکو ہلاک، اسلحہ برآمد

راولپنڈی(کرائم رپورٹر) تھانہ صدر بیرونی نے، گھر میں ڈکیتی کی 15 کال پر رسپانڈ کرنے والی پولیس ٹیم پر ڈاکوؤں کی فائرنگ،فائرنگ کے دوران ایک ڈاکو ہلاک، اسلحہ برآمد۔ تفصیلات کے مطابق پولیس کو 15 پر اطلاع ملی تھی کہ تین نامعلوم مسلح اشخاص ڈکیتی کی نیت سے گھر میں داخل ہوئے ہیں، صدر بیرونی پولیس موقعہ پر پہنچی تو ڈاکوؤں نے پولیس کو دیکھ کر فائرنگ کرتے ہوئے فرار ہونے کی کوشش کی، فائرنگ کے دوران ایک ڈاکو ہلاک ہو کیا، ہلاک ڈاکوکی شناخت عابد کے نام سے ہوئی جس کی شہریت افغانی ہے، ہلاک ملزم کے ساتھی فائرنگ کرتے ہوئے فرار ہو گئے جن کی تلاش کے لئے علاقہ میں سرچنگ جاری ہے، واقعہ کی اطلاع پر سینئر افسران موقع پر پہنچ گئے، ہلاک ملزم کی نعش کو ہسپتال منتقل کیا گیا ہے، 15 کال پر بروقت اور موثر رسپانس اور ڈکیتی کو ناکام بنانے پر سی پی او سید خالد ہمدانی نے ایس پی صدر، ایس ڈی پی او صدر اور صدر بیرونی پولیس ٹیم کو شاباش دیتے ہوئے کہا کہ شہریوں کی جان و مال اور پولیس پر حملہ کرنے والے قانون کی گرفت سے نہیں بچ سکتے۔