راولپنڈی(کرائم رپورٹر) تھانہ مورگاہ نے ، چیک ڈس آنر کے مقدمات میں مطلوب 2اشتہاری مجرمان گرفتار۔تفصیلات کے مطابق مورگاہ پولیس نے کاروائی کرتے ہوئے چیک ڈس آنر کے مقدمات میں مطلوب 2اشتہاری مجرمان زاہد اور حسنین کو گرفتار کرلیا، اشتہاری مجرمان رواں سال سے راولپنڈی پولیس کو مطلوب تھے، جبکہ دوسری جانب ،موٹر سائیکل چوری کی وارداتوں میں ملوث ہمایوں گینگ کا سرغنہ ساتھیوں سمیت گرفتار، 7 مسروقہ موٹر سائیکل اور اسلحہ برآمد۔تفصیلات کے مطابق مورگاہ پولیس نے کاروائی کرتے ہوئے موٹر سائیکل چوری کی وارداتوں میں ملوث ہمایوں گینگ کے سرغنہ کو ساتھیوں سمیت گرفتار کرلیا،گرفتار ملزمان میں سرغنہ ہمایوں، حارث، عمر اور احتشام شامل ہیں،ملزمان سے 7 مسروقہ موٹر سائیکل اور اسلحہ برآمدہوا.
ایس پی پوٹھوہار طلحہ ولی کا کہنا تھاکہ اشتہاری مجرمان کو ٹھوس شواہد کے ساتھ چالان عدالت کیا جائے گا، اشتہاری مجرمان کے خلاف کاروائیاں جاری رکھی جائیں گی اور منظم و متحرک گینگز کے خلاف بھرپور کریک ڈاؤن جاری ہے۔
