اسلام آباد (کرائم رپورٹر)آئی جی اسلام آباد سید علی ناصر رضوی کی تمام ایس ایچ اوز سے زوم میٹنگ تمام ایس ایچ اوز کو اسلام آباد کے تمام مراکز، مارکیٹس، شاپنگ سینٹرز اور کار پارکنگ ایریا میں چاند رات کو خصوصی سکیورٹی انتظام کرنے کی ہدایات،عید کی نماز اور تینوں روز اسلام آباد پولیس کے 3,000 سے زائد افسران و جوان فرائض منصبی سرانجام دیں گےتفصیلات کے مطابق انسپکٹر جنرل آف پولیس اسلام آباد سید علی ناصر رضوی نے تمام ایس ایچ اوز کے ساتھ زوم میٹنگ کی،انہوں نے تمام ایس ایچ اوز کو اسلام آباد کے تمام مراکز، مارکیٹس، شاپنگ سینٹرز اور کار پارکنگ ایریا میں چاند رات کو خصوصی سکیورٹی انتظام کرنے کی ہدایات جاری کیں .
عید کی نماز اور تینوں روز اسلام آباد پولیس کے 3,000 سے زائد افسران و جوان اپنے فرائض منصبی سرانجام دیں گے،عید کی نماز کے لئے تمام افسران مساجداور امام بارگاہوں کی سکیورٹی کو یقینی بنائیں گے،عید پر تمام پارکس اور تفریح مقامات میں بروقت سکیورٹی انتظامات کئے جائیں گے،عوامی پارکوں میں فیمیلیز کے علاوہ کسی کو داخلے کی اجازت نہیں ہوگی،سڑکوں پر ہلڑ بازی اور ون ویلنگ کے سخت کریک ڈاون کیا جائے گا،رہائشی علاقوں میں چاند رات پر ہوائی فائرنگ اورہلڑ بازی کے خلاف کریک ڈاون کے ساتھ ایسے تمام افراد کے خلاف قانونی کارروائیاں عمل میں لائی جائیں گی،آئی جی اسلام آباد نے تمام ایس ایچ اوز کو شہریوں کو زیادہ سے زیادہ سہولیات فراہم کرنے کے لئے اقدامات اٹھانے کی ہدایات جاری کیں،عید الفطر کے موقع پر اسلام آباد پولیس شہریوں کی حفاظت کو یقینی بنائے گی،شہریوں سے گزارش ہے کہ وہ پولیس کے ساتھ تعاون کریں.
