اسلام آباد(کرائم رپورٹر)اسلام آبادپولیس کے 10ڈی ایس پیز کی ایس پیز کے عہدے پر ترقیاں آئی جی اسلام آبادسید علی ناصر رضوی کی خصوصی کاوشوں پر تاریخ میں پہلی بار اتنے بڑے پیمانے پر ایس پی کے عہدے پر ترقی دی گئی،جبکہ ترقی یاب افسران اور انکے اہلخانہ کو خصوصی مدعو کرکے ایک پروقار تقریب میں رینک لگائے گئے ،تفصیلات کے مطابق انسپکٹر جنرل آف پولیس اسلام آباد سید علی ناصر رضوی کی خصوصی کاوشوں پر اسلام آبادپولیس کی تاریخ میںپہلی بار 10 ڈی ایس پیز کو ایس پیز کے عہدوں پر ترقیاںدے دی گئیں،اس سلسلہ میں پولیس لائنز ہیڈکوارٹرز میں نئے ترقی یاب افسران کو رینک لگانے کی پروقار تقریب کا انعقاد کیا گیا،تقریب میں آئی جی اسلام آباد سید علی ناصر رضوی نے بطور مہمان خصوصی شرکت کی.
اس موقع پر دیگر سینئر پولیس افسران بھی موجود تھے،آئی جی اسلام آباد نے ڈپٹی سپرنٹنڈنٹ آف پولیس سے سپرنٹنڈنٹ آف پولیس کے عہدوں پر ترقی پانے والے 10افسران کو رینک لگائے،انہیں مبارک باد پیش کی اور ان کے لئے نیک خواہشات کا اظہار کیا،اس موقع پر انہوں نے کہا کہ آپ افسران کے کندھے چمکیں گے تو آپ کے دل چمکیں گے اس خوشی سے آپکے بچوں کے چہرے چمکیں گے اور یہی میرا مقصدہے،میری دعا ہے آپکو جو ترقی ملی جو رینک نصیب ہوئے اللہ کرے آپ اسکے ساتھ انصاف کریں،آپکے بچے آپکو اپنا ہیرو سمجھیں،آپکی والدہ آپ پر فخر محسوس کرے،ہم ہر کوشش کریں گے تاکہ آپکے اہلخانہ کے چہروں پر خوشیاں لا سکیں،ہم پور ی کوشش کریں گے کہ آپکو ترقی ملے آپکو انعامات سے نوازا جائے آپکو دی گئی سزاﺅں کو ختم کریں.
لیکن اس کے بدلے آپ نے ایک کام کرنا ہے اور وہ جو قسم آپ نے کھائی ہے کہ مجرمان کا قلع قمع کرنا ،شہریوںکو فوری انصاف مہیا کرنا انکی جان و مال کے تحفظ کو یقینی بناناکے وعدے کی تجدید کرنی ہے،انہوں نے مزیدکہا کہ اللہ کی خوشنودی حاصل کرنے کا واحد راستہ اللہ کے بندوں کیلئے آسانیاں پیدا کرنا ہے،اللہ کے فضل و کرم سے یہ غازیوں اور شہدیوں کا محکمہ ہے،ہم نہ غازی بننے سے ڈرتے ہیں نہ شہید ہونے سے ڈرتے ہیں،صرف و صرف بہادری کی داستانیں رقم کرنے آتی ہیں،انہوں نے مزید کہا کہ یاد رکھیئے گا کہ ترقی اللہ کی دی ہوئی امانت ہے ، یہ ایک مقدس محکمہ ہے اس محکمہ میں جو ذمہ اری ہے اسے ہر صورت پورا کرنا ہے اور کسی بھی صورت میں ہم نے ذرا سے بھی لرزش نہیں دیکھانی،آئی جی اسلام آباد کے خصوصی احکامات پر نئے ترقی یاب افسران کے اہلخانہ کو بھی خصوصی طور پر تقریب میں مدعو کیا گیاتھا.
آئی جی اسلام آباد نے کہا کہ محکمانہ ترقی ہر پولیس افسر کا بنیادی حق ہے،تمام محکمانہ ترقی کے کورس پاس کرنے والے والے افسران کو ان کی سنیارٹی کے مطابق خالی سیٹوں پر پرموٹ کیا جائے گا اور یہ سلسلہ تمام خالی سیٹیں مکمل ہونے تک جاری رہے گا.
