اسلام آباد(کرائم رپورٹر)ٹریفک پولیس ہیڈکوارٹرز میں الودائی تقریب کا انعقاد اسلام آبادٹریفک پولیس وائرلیس سٹاف سے ریٹائرڈ ہونے والے سب انسپکٹر حاجی مشتاق حسین کے اعزاز میں ٹریفک پولیس ہیڈکوارٹرز اسلام آبادمیں ایک پروقار الوداعی تقریب کا انعقادکیا گیا، سینئر پولیس افسران نے ریٹائرڈ ہونے والے افسر کو پھول اور تحائف پیش کئے اور ان کے مستقبل کیلئے نیک تمناﺅ ں کا اظہار کیا ، تفصیلات کے مطابق اسلام آبادٹریفک پولیس سے ریٹائرڈ ہونے والے وائرلیس سٹاف کے سب انسپکٹر حاجی مشتاق حسین کے اعزاز میں ٹریفک پولیس ہیڈ کوارٹر زاسلام آباد میں ایک پروقار الوداعی تقریب کا انعقادکیا گیا.
تقریب میں سپرٹینڈنٹ آف پولیس ٹریفک ڈویژن ماجد اقبال نے بطور مہمان خصوصی شرکت کی، انہوں نے ریٹائر ڈ ہونے والے پولیس افسرکی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے جس نے سروس شروع کی وہ ایک دن ریٹائرڈ بھی ہو گا،آپ نے ایک لمبا عرصہ محکمہ پولیس کی خدمت کی ہے، دوران سروس ہم سب کی کوشش ہونی چاہیے کہ ایسے کام کیے جائیں جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے،ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ کی خوشنودی حاصل کی جائے،انہوں نے کہا کہ آپ نے اپنا زندگی کا قیمتی حصہ محکمہ پولیس میں گزار کر عوام کی خدمت کی.
اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،انہوں نے مزید کہا کہ آپ کو کوئی بھی نجی و سرکاری مسئلہ درپیش ہو تو میرے دفتر کا دروازہ ہر وقت کھلا ہے، اس موقع پر ریٹائرڈ ہونیوالے پولیس افسر نے عزت افزائی پر خوشی کا اظہار کرتے ہوئے ایس پی ٹریفک اسلام آبادکا شکریہ ادا کیا ،تقریب کے آخر میں مہمان خصوصی نے ریٹائرڈ ہونے والے افسرکی خد مات کو سراہتے ہوئے انہیں پھول اور تحائف پیش کئے اور ان کے مستقبل کیلئے نیک خواہشات کا اظہار کیا۔
