تھانہ پیرودھائی،ڈکیتی، موٹر سائیکل چوری اور دیگر چوری کی وارداتوں میں ملوث 4 ملزمان گرفتار

راولپنڈی(کرائم رپورٹر) تھانہ پیرودھائی نے،ڈکیتی، موٹر سائیکل چوری اور دیگر چوری کی وارداتوں میں ملوث 4 ملزمان گرفتار، ملزمان سے مسروقہ و چھینے گئے4 موٹر سائیکل، رقم 2 ہزار روپے اور اسلحہ برآمد۔ تفصیلات کے مطابق پیرودھائی پولیس نے کارروائی کرتے ہوئے ڈکیتی، موٹر سائیکل چوری اور دیگر چوری کی وارداتوں میں ملوث 4 ملزمان کوگرفتارکر لیا، گرفتار ملزمان میں حماد،نصیر خان،ذیاد ضمیر اور واصف شامل ہیں،ملزمان حماد اور نصیر سے 3 مسروقہ موٹر سائیکل اور رقم 2 ہزار روپے برآمد ہوئی،ملزمان ذیاد اور واصف سے چھینا گیا موٹر سائیکل اور اسلحہ برآمد ہوا،ملزمان ذیاد اور واصف کو متعدد وارداتوں کے انکشاف پر شناخت پریڈ کے لیے جیل بھجوایا جا رہاہے،ایس پی راول محمد حسیب راجہ کا کہنا تھا کہ ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔