اسلام آباد(کرائم رپورٹر)آ ئی جی اسلام آباد کی ہدایت پر 21سے 26اپریل تک غازی ویک منایاجارہاہے غازی ویک کے سلسلہ میں تمام ڈویژنز میں پروقار تقریبات کا انعقاد کیا جارہا ہے،تقریبات میں غازیوں کو مدعو کرکے خراج تحسین پیش کیا جارہا ہے،اسلام آباد پولیس کے 131 افسران نے غازی کا درجہ حاصل کیا،ان افسران کو شجاعت اور غازی میڈلز سے نوازا گیا۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں اسلام آباد پولیس 21سے 26اپریل تک اپنے غازیوں کو خراج تحسین پیش کرنے کیلئے غازی ویک منارہی ہے ،اس سلسلے میں تمام ڈویژنز میں پروقار تقریبات کا انعقاد کیا جارہا ہے، ان تقریبات میں پولیس کے غازیوں کو مدعو کرکے خراج تحسین پیش کیا جارہا ہے،اب تک اسلام آباد پولیس کے 131 افسران نے غازی کا درجہ حاصل کیاہے ،ان افسران کو شجاعت اور غازی میڈلز سے نوازا گیاہے .
آئی جی اسلام آباد سید علی ناصررضوی نے کہا کہ یہ افسران فرض کی ادائیگی میں سینہ تان کرکھڑے رہے اور اپنی جانوں کی پرواہ نہ کرتے ہوئے زخمی ہوئے،اسلام آباد پولیس کے غازی نڈر اور اسلام آباد پولیس کا قیمتی سرمایہ ہیں،قربانی کا جذبہ کسی بھی قوم کے بہادر سپوتوں کو نصیب ہوتا ہے،انہوں نے مزید کہا کہ ملک و قوم کے لئے قربانی دینے والوں کے خاندان بھی قابل احترام ہیں،اپنے آج کو دوسروں کے کل پر قربان کرنے والوں کو تاریخ ہمیشہ یاد رکھے گی، آئی جی اسلام آبادنے کہا کہ اسلام آباد پولیس کے 131 غازی ہیں .
یہ افسران جرائم کی بیخ کنی، دھماکوں، لاءاینڈ آرڈرز میں زخمی ہوئے، غازی میڈل حاصل کرنے والے آفیسر کو ایک لاکھ روپے اور آ ئی جی اسلام آبادکی طرف سے کلاس ون سرٹیفکیٹ اس کی مرضی کی پوسٹنگ دی جاتی ہے، جبکہ شجاعت میڈل حاصل کرنے والے آفیسر کو دو لاکھ روپے کلاس ون سرٹیفکیٹ اور محکمہ کے اندر مرضی کی پوسٹنگ دی جاتی ہے اسکے علاوہ ان ہیروز کے اور انکی فیملی کے لیے صحت و تعلیم کے حوالے سے خصوصی ویلفئیر اقدامات بھی کئے جاتے ہیں.
