فیصل آباد(کرائم رپورٹر)سٹی پولیس آفیسر صاحبزادہ بلال عمر کی تھانہ رضا آباد میں کھلی کچہری ۔کا انعقاد کیا گیا اس موقع پر شہریوں نے تھانہ رضا اباد میں مقدمات کے اندراج نہ کرنے سمیت دیگر مسائل سے سی پی او کو اگاہ کیا جس پر سی پی او صاحبزادہ بلال عمر نے سخت برہمی کا اظہار کرتے ہوئے احکامات جاری کیے کہ شہریوں کے مسائل فوری حل کیے جائیں اور ائندہ اگر کسی کے مقدمہ درج نہیں کیا جاتا میرے دروازے عوام کے لیے ہمیشہ کھلے ہیں سی پی او فیصل اباد نے ایس ایچ او تھانہ رضاباد غلام محمد اباد اور ایس ایچ او تھانہ گلبرگ کی سخت سرزنش کی اور کہا کہ ان کی اولین ڈیوٹی ہے کہ شہریوں کے مسائل حل کریں اس موقع پر ایس پی لائلپورڈویژن ،اے ایس پی گلبرگ ،ایس ایچ اوزرضآ آباد،غلام محمد آباد،گلبرگ اور دیگرافسران بھی موجود تھے۔
سٹی پولیس آفیسر صاحبزادہ بلال عمر نے کھلی کچری میں سائلین کی درخواستوں اور شکایات کو بغور سنا اور موقعہ پر ہی متعلقہ افسران کو احکامات جاری کیے
سی پی او بلال عمر نے کہا کہ وزیر اعلیٰ پنجاب اور آئی جی پنجاب کی ہدایت پر شہریوں کوانصاف کی فرا ہمی کے لئے کھلی کچہریوں کا انعقاد کیا جا رہا ہے ۔لہذا شہری ان کھلی کچہری میں ائیں اور اپنے مسائل بتائیں تاکہ ان کی شکایات کا جلد ازالہ کیا جا سکے انہوں نے تمام درخواستوں میں انصاف کی فراہمی کا عمل منصفانہ طور پر یقینی بنایا جائیگا اور متعلقہ افسران کو حکم دیا کہ میرٹ پر انکی شکایات کو حل کیا جائے۔
انہوں نے مزید کہا کہ شہریوں کو انصاف فراہم کرنے کے لیے تھانوں میں کھلی کچہریوں کا انعقاد کیا جارہاہےکھلی کچہری کا مقصد پولیس اور شہریوں کے درمیان روابط کو مزید بہتر بنانا اور فاصلے کم کرنا ہےن شہریوں کے جان ومال کا تحفظ اور انصاف کی فراہمی اولین ترجیح ہے۔
