اسلام آباد (کرائم رپورٹر) ایس ایس پی آپریشنز اسلام آبادمحمد شعیب خان کی سواں زون میں کھلی کچہری ، سائلین کی شکایات اور مسائل سنے،شہریوں کی بروقت داد رسی نہ کرنے پر زویر ٹاولرنس ہے ،منشیات فروشی اور غیر قانونی اسلحہ کے کاروبار میں ملوث افراد کے خلاف کریک ڈاﺅن میں تیزی لائی جائے ،شہری کھلی کچہریوں میںبلا خوف اپنے مسائل بیان کریں۔
تفصیلات کے مطابق سینئر سپر ٹنڈنٹ آف پولیس آپریشنز اسلام آباد محمد شعیب خان نے سواں زون میں کھلی کچہری کا انعقاد کیا،کھلی کچہری میں ایس پی سواں زون،ایس ڈی پی اوز اور ایس ایچ اوز سمیت دیگر پولیس افسران نے شرکت کی،ایس ایس پی آپریشنز اسلام آباد نے کھلی کچہری میں سائلین کی شکایات اور مسائل سنے اور فوری حل کے لئے افسران کو احکامات جاری کیے،اس موقع پر انہوں نے کہا کہ سائلین کی بروقت داد رسی نہ کرنے پر زویر ٹاولرنس ہے ، منشیات اور غیر قانونی اسلحہ کے کاروبار میں ملوث افراد کے خلاف بلاتفریق کریک ڈاون عمل میں لایا جائے.
انہوں نے مزید کہا کہ پولیس اسٹیشنز میں کیا کچھ ہو رہا ہے کھلی کچہری میں سائلین بلا خوف بتائیں،کرپشن اور سائلین کے مسائل کے حل میں روکاوٹ بننے والے پولیس افسران کی محکمے میں کوئی گنجائش نہیں،پولیس افسران ایمانداری سے کام کریں گے تو ہی محکمہ پولیس میں اپنے فرائض منصبی سرانجام دیںگے،شہریوں کی جانب سے کھلی کچہری کے انعقاد پر ایس ایس پی آپریشنز آسلام آباد کی کاوشوں کو سراہاگیا.
