راولپنڈی(کرائم رپورٹر) ایس پی راول محمد حسیب راجہ کی زیر صدارت راول ڈویژن کے افسران سے میٹنگ،میٹنگ میں راول ڈویژن کے ایس ایچ اوز کی شرکت،ایس پی راول نے زیر تفتیش مقدمات کی پراگرس سمیت دیگر اُمور کا تفصیلی جائزہ لیا اور ہدایات دیں، ایس پی راول نے ڈکیتی، قتل، رابری،سٹریٹ کرائم سمیت دیگر مقدمات میں ملزمان کی گرفتاری، شواہد کے حصول کے حوالے سے ضروری ہدایات دیں۔ تفصیلات کے مطابق ایس پی راول محمد حسیب راجہ کی زیر صدارت راول ڈویژن کے افسران سے میٹنگ کا انعقاد کیا گیا.
میٹنگ میں راول ڈویژن کے ایس ایچ اوز نے شرکت کی،ایس پی راول نے زیر تفتیش مقدمات کی پراگرس سمیت دیگر اُمور کا تفصیلی جائزہ لیا اور ہدایات دیں، ایس پی راول نے ڈکیتی، قتل، رابری،سٹریٹ کرائم سمیت دیگر مقدمات میں ملزمان کی گرفتاری، شواہد کے حصول کے حوالے سے ضروری ہدایات دیں،ایس پی راول محمد حسیب راجہ نے افسران کو ہدایات دیتے ہوئے کہا کہ زیر تفتیش مقدمات میں ملوث ملزمان کو جلد از جلد گرفتار کرکے میرٹ پر یکسو کیا جائے،منشیات کے ناسور کا خاتمہ اولین ترجیح ہے، منشیات سپلائرز کے خلاف مربوط حکمت عملی سے کاروائیاں کی جائیں، اشتہاری مجرمان کی گرفتاری کے لیے سپیشل ٹیمیں تشکیل دی گئی ہیں، اشتہاری مجرمان کے خلاف جاری کریک ڈاؤن میں تیزی لائی جائے، گشت کے نظام کو مزید موثر بنایا جائے.
تھانوں کے مینوئل اور کمپیوٹرائزڈ ریکارڈ کو مکمل رکھا جائے، تھانہ میں آنے والے شہریوں کے مسائل ترجیحی بنیادوں پر حل کیے جائیں، شہریوں کی جان ومال کی حفاظت اوران کو سہولیات کی فراہمی اولین ذمہ داری ہے جس کے لیے تمام وسائل بروئے کارلائے جارہے ہیں۔
