اسلام آ باد (کرائم رپورٹر)آئی جی اسلام آباد کامسلح افواج کی دشمن کیخلاف تاریخی فتح پر خصوصی پیغام جاری ، پوری قوم کو 10 مئی کی تاریخی فتح بہت مبارک ہو اللہ کا کروڑوں بار شکر ہے کہ ہمیں یہ فتح نصیب ہوئی،ہماری مسلح افواج نے جس طریقے سے سیسہ پلائی ہوئی دیوار بن کے اس جنگ کو جیتا اس کی مثال نہیں ملتی، پاکستان ہمیشہ زندہ آبادرہے۔
تفصیلات کے مطابق انسپکٹر جنرل آف پولیس اسلام آباد سید علی ناصرر ضوی نے افواج پاکستان کی حالیہ جنگ میں دشمنوں کو منہ توڑ جواب دینے اور پاکستان کے شہریوں کی جان و مال کی حفاظت کو یقینی بنانے کے سلسلے میں یو م تشکر پر خصوصی پیغام جاری کیا، آئی جی اسلام آباد نے اپنے پیغام میں کہا کہ پوری قوم کو 10 مئی کی تاریخی فتح بہت مبارک ہو اللہ کا کروڑوں بار شکر ہے کہ اللہ تعالی نے ہمیں وہ فتح نصیب کی جس کی تاریخ میں مثال نہیں ملتی ،1971 کے معرکے بعد یہ معرکہ ہمارے دشمن ملک انڈیا کے ساتھ سب سے بڑی کنفرنٹیشن اورجنگ تھی .
ہمارے مسلح افواج نے جس بہادری ،دلیری ،حکمت عملی اوراسٹریٹیجی سے اس جنگ کو لڑا اور اس جنگ کو جیتا وہ واقعی قابل ستائش ہے اس قوم کا ہر ایک فرد یہ محسوس کر رہا ہے کہ یہ فتح اس قوم کی فتح ہے ،ہماری مسلح افواج نے جس طریقے سے سیسہ پلائی ہوئی دیوار بن کے اس مشن کو مکمل کیا اوراس جنگ کو جیتا اس کی مثال نہیں ملتی ،میںاسلام آباد پولیس اورپوری قوم خراج تحسین پیش کرتی ہے اپنی مسلح افواج کو ان شاہینوں کو جنہوں نے فضا ءمیں جا کے یہ ثابت کر دیا کہ یہ فضائیں معطر ہیں یہ فضائیں پاک ہیں اور ان پاک فضاوں کی طرف کوئی میلی آنکھ سے دیکھے گا تو اس کی آنکھیں نکال دی جائے گی .
کوئی اپنا میلا جسم لے کے بڑھے گاتو اس کے جسم کو ٹکڑے ٹکڑے کر دیں گے ہم نے یہ جنگ جیتی اور اس جنگ کے جیتنے کا فائدہ یہ ہوا کہ اللہ کے فضل سے مسئلہ کشمیر عالمی سطح پر پھر سے اجاگر ہوااور سب کے سامنے ابھر کرآیا ہے جس سے اب مسئلہ کشمیر بھی حل ہوگا،آئی جی اسلام آباد نے مزید کہا کہ یہ جیت پوری مسلم امہ کی ہے یہ جیت پاکستان کی ہے یہ جیت مسلح افواج کی ہے یہ جیت ہم سب کی ہے اور اللہ کے فضل و کرم سے یہ جیت ایک پیغام ہے یہ پیغام ہے کہ ہم شیروں دلیروں کی طرف کوئی نہ دیکھے بری آنکھ کے ساتھ کیونکہ ہم اپنا دفاع کرنا بھی جانتے ہیں اور اگلے کی صفوں کو توڑنا بھی جانتے ہیں پاکستان ہمیشہ زندہ آباد۔
