اسلام آباد(کرائم رپورٹر)ایف آئی اے گوجرانوالہ زون نے انسانی سمگلنگ اور ویزہ فراڈ میں ملوث 5 ایجنٹ گرفتار تفصیلات کے مطابق گرفتار ملزمان کی شناخت رؤوف ، طارق مسیح ، ستونی مسیح ، محمد نعیم اور کرسٹوفر آصف کے نام سے ہوئی ملزمان کو اسلام آباد، گجرانوالہ اور گجرات کے مختلف علاقوں سے گرفتار کیا گیا ملزمان شہریوں کو بیرون ملک ملازمت کا جھانسہ دے کر لاکھوں روپے ہتھیانے میں ملوث پائے گئے .
ملزم رؤوف ، طارق مسیح اور ستونی مسیح کو چھاپہ مار کاروائی میں محلہ ٹاؤن آبادی سے گرفتار کیا گیا ملزمان نے شہری کو اٹلی ملازمت دلوانے کی غرض سے 17 لاکھ روپے سے زائد ہتھیائے ایک اور کاروائی میں محمد نعیم کو پسرور روڈ گوجرانوالہ سے گرفتار کیا ملزم نے شہری کو اٹلی ملازمت کی غرض سے بھجوانے کے لیے 17 لاکھ روپے سے زائد ہتھیائے ایک اور کاروائی میں ملزم کرسٹوفر آصف کو کرسچئیین کالونی اسلام آباد سے گرفتار کیا گیا ملزم نے شہریوں کو سعودی عرب ملازمت کی غرض سے بھجوانے کے لیے 18 لاکھ 60 ہزار روپے ہتھیائے .
ملزم نے شہریوں کو جعلی ویزے اور جعلی ٹکٹس فراہم کیے ملزمان شہریوں کو بیرون ملک بھجوانے میں ناکام رہے ملزمان بھاری رقوم وصول کر کے روپوش ہو گئے ملزمان کو گرفتار کر کے تفتیش کا آغاز کر دیا گیا ہے .
