اسلام آباد(کرائم رپورٹر)قائدِ اعظم یونیورسٹی میں زیر تعلیم کریمنالوجی ڈیپارٹمنٹ کے طلباءو طالبات کے وفد کا سابقہ آئی جی کلیم امام کی سربراہی میں سیف سٹی اسلام آباد کا دورہ۔ڈپٹی ڈائریکٹر این او سی اور اسسٹنٹ ڈائریکٹر سیف سٹی نے پولیس آپریشن ہال،آنلائن وویمن پولیس اسٹیشن ،ویب ٹی وی اور وائرلیس کنٹرول روم کا دورہ کروایا اور کمانڈ اینڈ کنٹرول سنٹر کی اہمیت و افادیت سے آگاہ کیا۔
تفصیلات کے مطابق قائدِ اعظم یونیورسٹی میں زیر تعلیم کریمنالوجی ڈیپارٹمنٹ کے طلباءو طالبات کے وفد نے سابقہ آئی جی پولیس کلیم امام کی سربراہی میں سیف سٹی اسلام آباد کا دورہ کیا، ڈپٹی ڈائریکٹر این او سی اور اسسٹنٹ ڈائریکٹر سیف سٹی نے وفد کو پولیس آپریشن ہال،آنلائن وویمن پولیس اسٹیشن ،ویب ٹی وی اور وائرلیس کنٹرول روم کا دورہ کروایا اور کمانڈ اینڈ کنٹرول سنٹر کی اہمیت و افادیت سے آگاہ کیا،وفد کو سیف سٹی اسلام آباد کے مرکزی نظام، جدید تکنیک کے حامل کیمروں اور پولیس آپریشنز سنٹر ہال کا دورہ کروایا گیا اور ان کے طریقہ کار اور افادیت کے بارے میں بھی مکمل آگاہ کیا.
وفد کو بتایا گیا کہ سیف سٹی اسلام آباد جدید تکنیکی منصوبے کے ذریعے مختلف شعبہ جات میں اہم کردار ادا کر رہا ہے، جس میں پولیس آپریشنز سنٹر، ایمرجنسی کنٹرول سنٹر،آنلائن وویمن پولیس اسٹیشن ،ڈسپیچ کنٹرول سنٹر، ای چالان سسٹم اور “پکار “15- ہیلپ لائن جیسے اقدام شامل ہیں، وفد کو شہر میں سیف سٹی کیمروں کی کارکردگی اور افادیت کے بارے میں بتایا گیا کہ سیف سٹی کے جدید تکنیک کے حامل کیمرے شہر کی سلامتی، جرائم کے سدِباب اور شہریوں کی جان و مال کے تحفظ میں اہم کردار ادا کر رہے ہیں، شہر کے داخلی و خارجی راستوں پر چہروں کی شناخت کرنے والے کیمرے بھی لگائے گئے ہیں جو مشکوک عناصر کی نشاندہی میں اہم کردار ادا کر رہے ہیں، وفد نے اسلام آباد پولیس کے جدید تکنیکی نظام اور اس کی افادیت کو سراہا اور اس کامیاب دورے پر ڈی جی سیف سٹی اور ان کی ٹیم کا شکریہ ادا کیا.
