راولپنڈی(کرائم رپورٹر ) تھانہ صدر واہ نے، سٹریٹ کرائم اور موٹر سائیکل چوری کے مقدمات میں ملوث 03 افراد گرفتار، زیر حراست افراد سے مسروقہ اور چھینے گئے 5 موٹر سائیکل، چھینی گئی رقم 12 ہزار 500 روپے اور اسلحہ برآمد۔ تفصیلات کے مطابق صدر واہ پولیس نے کاروائی کرتے ہوئے سٹریٹ کرائم اور موٹر سائیکل چوری کے مقدمات میں ملوث 03 افراد کو گرفتار کر لیا، زیر حراست افراد سے مسروقہ اور چھینے گئے 5 موٹر سائیکل، چھینی گئی رقم 12 ہزار 500 روپے اور اسلحہ برآمد ہوا،ایس پی پوٹھوہار طلحہ ولی کا کہنا تھا کہ زیرحراست افراد کو ٹھوس شواہد کے ساتھ چالان عدالت کیا جائے گا، شہریوں کو قیمتی اثاثہ سے محروم کرنے والے افراد قانون کی گرفت سے نہیں بچ سکتے۔
