اسلام آباد(کرائم رپورٹر )وفاقی دارالحکومت اسلام آباد میں سکیورٹی انتظامات کو مزید موثر بنانے اور امن و امان کی فضاءکو برقرار رکھنے کے لیے اسلام آباد پولیس کا فلیگ مارچ کا انعقاد، فلیگ مارچ میں اسلام آباد پولیس اور قانون نافذ کرنے والے اداروں نے حصہ لیا،فلیگ مارچ کا مقصدمحرم الحرام کے دوران شہر کی سکیورٹی کو مزید موثر بنانا ہے۔
تفصیلا ت کے مطا بق انسپکٹر جنرل آف پولیس اسلام آباد سید علی ناصرر ضوی کے خصوصی احکاما ت کی روشنی میں اسلام آباد پولیس نے وفاقی دارلحکومت میں امن و اما ن کی فضاءکو بر قرار رکھنے کیلئے ایس ایس آپر یشنز اسلام آ باد محمد شعیب خا ن کی قیادت میں مختلف علاقوں میں فلیگ مارچ کاانعقاد کیا، فلیگ مارچ میں اسلام آباد پولیس اور قانون نافذ کرنے والے اداروں کے افسران اور جوانوں نے حصہ لیا، فلیگ ما رچ پاکستان سپورٹس کمپلیکس سے شروع ہو ا اور اسلام آباد کے مختلف علاقوں سے ہوتا ہوا واپس پاکستان سپورٹس کمپلیکس میں اختتام پذیر ہو ا، ڈی آئی جی اسلام آباد محمد جو اد طا رق نے کہا کہ فلیگ ما ر چ کا بنیا د ی مقصد وفاقی دارلحکومت اسلام آ باد میں محر م الحرام کے دوران سکیورٹی کو مزید مو ثر بنا نا ،امن و اما ن کی صورت حا ل کو بر قرار رکھنا اور کسی بھی نا خوشگوار واقع سے نمٹنے کے لیے ہمہ وقت تیار رہنا ہے.
تا کہ کو ئی شر پسند عنا صر اپنے مذمو م مقاصدمیں کا میا ب نہ ہو سکے،انہوں نے مزید کہا کہ ضلع بھر میں سکیورٹی اقدامات کو مزید موثر اور داخلی و خارجی راستوں پر چیکنگ کو بڑھا دیا گیا ہے، شہر میں ڈولفن کے دستے گشت پر مامور ہیں، موٹر سائیکل کی ڈبل سواری، کالے شیشے والی گاڑیوں، غیر نمونہ و بغیر نمبر پلیٹ گاڑیوں و موٹر سائیکلوں کے خلاف بھی کریک ڈاو¿ن جاری ہے، انہوں نے تمام افسران کو ہدایات جاری کی کہ وہ اپنے علاقوں میں رہیں اور سکیورٹی ڈیوٹیز پر تعینات پولیس افسران کو بریف کرتے رہیں، انہوں نے شہریوں سے گزارش کی کہ وہ چیکنگ کے دوران پولیس افسران کے ساتھ تعاون کریں،اسلام آ باد پولیس شہر یو ں کی جا ن وما ل کے تحفظ کو یقینی بنا نے کے لیے تما م تر ضر وری اقدامات بروئے کا ر لا رہی ہے، شہری کسی بھی مشکوک سرگرمی کے متعلق پکار- 15پر اطلاع دے کر اپنا قومی فریضہ نبھائیں،اسلام آباد پولیس شہریوں کی جان و مال کے تحفظ کو یقینی بنانے میں کوئی کسر نہیں چھوڑے گی.
