ا سلام آباد(کرائم رپورٹر)اسلام آبادپولیس سے ریٹائرڈ ہونے والے ہیڈکانسٹیبل فرحت منظورکے اعزاز میں الوداعی تقریب کا انعقاد ، ایس پی جے پی یو محمد محفوظ کیانی نے ریٹائرڈ ہونے والے پولیس افسر کو پھول اور تحائف پیش کئے اور ان کے مستقبل کیلئے نیک تمناﺅ ں کا اظہار کیا۔
تفصیلات کے مطابق اسلام آبادپولیس سے ریٹائرڈ ہونے والے ہیڈ کانسٹیبل فرحت منظورکے اعزاز میں سکیورٹی ڈویژن میںپروقار الوداعی تقریب کا انعقادکیا گیا،تقریب میں سپرٹینڈنٹ آف پولیس جوڈیشل پروٹیکشن یونٹ محمد محفوظ کیانی نے بطور مہمان خصوصی شرکت کی، اس موقع پر دیگر پولیس افسران بھی موجود تھے، ایس پی جے پی یو نے ریٹائر ڈ ہونے والے پولیس افسرکی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے جس نے سروس شروع کی وہ ایک دن ریٹائرڈ بھی ہو گا،آپ نے ایک لمبا عرصہ محکمہ پولیس کی خدمت کی ہے، دوران سروس ہم سب کی کوشش ہونی چاہیے کہ ایسے کام کیے جائیں جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے.
ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ کی خوشنودی حاصل کی جائے،انہوں نے کہا کہ آپ نے اپنی زندگی کا قیمتی حصہ محکمہ پولیس میں گزار کر عوام کی خدمت کی، اس کے بدلے محکمہ پولیس نے بھی آپ کو عزت،وقار اور ایک مقام دیا جس پر آپ کو اللہ کا شکر گزار ہونا چاہیے،انہوں نے مزید کہا کہ آپ کو کوئی بھی نجی وسرکاری مسئلہ درپیش ہو تو میرے دفتر کا دروازہ ہر وقت کھلا ہے، اس موقع پر ریٹائرڈ ہونیوالے پولیس افسر نے عزت افزائی پر خوشی کا اظہار کرتے ہوئے ایس پی جے پی یو کا شکریہ ادا کیا ،تقریب کے آخر میں مہمان خصوصی نے ریٹائرڈ ہونے والے پولیس افسرکی خد مات کو سراہتے ہوئے انہیں تحائف پیش کئے اور ان کے مستقبل کیلئے نیک خواہشات کا اظہار کیا.
