راولپنڈی( کرائم رپورٹر )موٹروے پر مسافر بس گہرائی میں جاگری، 5 افراد جاں بحق روڈ پر پھسلن ہونے کی وجہ سے حادثہ پیش آیا زخمیوں میں سے 22 کو ڈسٹرکٹ ہیڈکوارٹر اسپتال چکوال، 8 کو پمز اور 6 کو ڈسٹرکٹ ہیڈکوارٹر اسپتال راولپنڈی منتقل کر کیا گیا موٹر وے ایم ٹو پر چکری انٹر چینج کے قریب نجی کمپنی کی مسافر بس حادثے کا شکار ہوکر گہرائی میں جاگری جس کے سبب 5 افراد جاں بحق ہوگئے نجی کمپنی کی بس راولپنڈی سے ملتان جا رہی تھی، روڈ سلپری ہونے کی وجہ سے ڈرائیور بس پر قابو نہ پا سکا اور بس حادثے کا شکار ہوگئی۔
اطلاع ملتے ہی موٹروے پولیس اور ریسکیو کی ٹیم موقع پر پہنچ گئی، زخمیوں کو ابتدائی طبی امداد فراہم کی گئی ، موٹروے پولیس کے مطابق حادثے میں مجموعی پر 5 مسافر جاں بحق اور 41 زخمی ہوئے۔ زخمیوں میں سے 22 کو ڈسڑکٹ ہیڈکوارٹر اسپتال چکوال، 8 کو پمز اور 6 کو ڈسڑکٹ ہیڈکوارٹر اسپتال راولپنڈی منتقل کیا گیا ، جاں بحق ہونے والوں میں 4 کی میتیں ڈسڑکٹ ہیڈکوارٹر اسپتال راولپنڈی اور ایک کی میت ڈسڑکٹ ہیڈکوارٹر اسپتال چکوال منتقل کی گئی ، زخمی ہونے والے مسافروں کے مطابق ڈرائیور بارش اور پھسلن کے باوجود مبینہ طور پر بس تیز رفتاری سے چلا رہا تھا۔ پولیس نے تحقیقات شروع کر دیں۔
