اسلام آباد (کرائم رپورٹر )آئی جی اسلام آباد سید علی ناصر رضوی نے اسلام آباد میں اپنی خدمات سرانجام دینے کے بعد دوسرے اضلاع میں جانے والے افسران ایس ایس پی یاسر آفریدی اور ایس پی خان زیب کے اعزاز میں ایک پروقار الوداعی تقریب کا انعقاد کیا،دونوں افسران کی خدمات کو سراہا اور مستقبل کے لئے نیک خواہشات کا اظہار کیا۔
تفصیلات کے مطابق انسپکٹر جنرل آف پولیس اسلام آبادسیدعلی ناصررضوی نے اسلام آباد پولیس میں اپنی خدمات سرانجام دینے کے بعد دوسرے اضلاع میں جانے والے افسران ایس ایس پی یاسر آفریدی اور ایس پی خان زیب کے اعزاز میں ایک پروقار الوداعی تقریب کا انعقاد کیا،تقریب میں اسلام آباد پولیس کے تمام سینئر افسران نے شرکت کی ،اس موقع پر آئی جی اسلام آباد سید علی ناصر رضوی نے دونوں افسران کی اسلام آباد پولیس کے مختلف ڈویژن میں تعیناتی پر ان کی خدمات کو سراہا اور کہاکہ ایک اچھا پولیس آفیسر وہ ہے جو اپنے فرائض منصبی بطریق احسن ادا کرے اورایک لیڈر کے طور پر ہمیشہ فرنٹ پر رہ کر اپنے ماتحتوں کو لیڈ کرے.
انہوں نے نئی تعینا تی پر ایس ایس پی یاسر آفریدی اور ایس پی خان زیب کو مبارکباد دی اوردونوں افسران کی اسلام آباد میں خدمات کو سراہا اور مستقبل کے لئے نیک خواہشات کا اظہار کرتے ہوئے تحائف دئیے.
