اسلام آبا د(کرائم رپورٹر)فرینڈز آف پولیس انٹرن شپ پروگرام کے طلبہ اور طالبات کے وفد کا اسلام آبادپولیس سکیورٹی ڈویژن کا دورہ کیا وفد نے سیکیورٹی ڈویژن کا مطالعاتی دورہ کیا،ایس ایس پی سیکیورٹی نے طلبہ و طالبات کو سکیورٹی ڈویژن کے فرائض اور آپریشنل مہارتوں کے متعلق بریفنگ دی۔
تفصیلات کے مطابق انسپکٹر جنرل آف پولیس اسلام آباد سید علی ناصررضوی کے خصوصی احکاما ت کی روشنی میں فرینڈز آف پولیس انٹرن شپ پروگرام کے طلبہ اور طالبات کے وفد نے اسلام آبادپولیس سکیورٹی ڈویژن کا مطالعاتی دورہ کیا،ڈی ایس پی ڈپلومیٹک نے طلباءکے وفد کو سکیورٹی ڈویژن کا دورہ کروایا،انہوں نے وفد کو اسلام آباد پولیس کے مرکزی نظام، دفاتر کی ورکنگ، کیمو نٹی پولیسنگ، پٹرولنگ اورنا کہ جا ت کے حو الے سے آ گا ہ کیا، وفد کو سی سی ٹی وی کنٹرول روم، دفاتر، پولیس میس، اصطبل اور ڈپلومیٹک انکلیو کا بھی دورہ کروایا گیا ،وفد کو شہر میں لگے کیمرہ جات اور پولیس کی موثر کارکردگی ،ملکی و غیر ملکی اہم شخصیات ،غیر ملکی وفود، ہائی سیکورٹی زون میں واقع سفارت خانوں اور اہم سرکاری عمارات کی سکیورٹی کے متعلق بریف کیا .
انہوں نے کہا کہ ہائی سیکورٹی زون کے تمام داخلی و خارجی راستوں پر موجود ناکہ جات پر تلاشی اور کوائف کے اندارج کے دوران جرائم کے انسداد اور مشکوک عناصر کی نشاندہی میں اہم کردار ادا کر رہے ہیں،اس موقع پر طلباءاور طالبات کے وفد نے اسلام آباد پولیس کے جدید تکنیکی نظام اور اس کی افادیت کو سراہااور اس کامیاب دورے پر پولیس افسران اور ان کی ٹیم کا خصوصی طور پر شکریہ ادا کیا،اس موقع پر ایس ایس پی سیکیور ٹی محمد سرفراز ورک نے کہا کہ طلبہ و طالبات اس ملک کا سرمایہ اور اسلام آباد پولیس کے سفیر ہیں، ملک و قوم کی ترقی کا دارومدار نوجوان نسل پر ہے،انہوں نے مزید کہا کہ نوجوان نسل کا تعلیمی سرگرمیوں میں بڑھ چڑھ کر حصہ لینا قابل ستائش عمل ہے .
