گوجرانوالہ (کرائم رپورٹر )ایف آئی اے گوجرانوالہ زون کا انسانی سمگلروں کے خلاف کریک ڈاؤن جاری ، جاری کاروائیوں میں 5 انسانی سمگلرز گرفتار گرفتار ملزمان میں رفاقت ، شبرز، محمد صدیق ، محمد یاسین اور قاسم شاہین شامل
ملزمان کو گوجرانوالہ اور گجرات کے مختلف علاقوں سے گرفتار کیا گیا ملزمان سادہ لوح شہریوں کو غیر قانونی طور پر بیرون ملک بھجوانے میں ملوث پائے گئے ملزم رفاقت اور شبریز نے شہری کو اٹلی ملازمت کی غرض سے بھجوانے کے لیے 24 لاکھ روپے ہتھیائے ملزمان نے شہری کو اٹلی کے بجائے کرغیزستان بھجوایا متاثرہ شہری کرغیزستان سے پاکستان واپس آ گیا ملزم محمد صدیق نے شہری کو سپین ملازمت کی غرض سے بھجوانے کے لیے 20 لاکھ روپے سے زائد ہتھیائے .
گرفتار ملزم محمد یسین نے شہری کو بیرون ملک ملازمت کا جھانسہ دے کر 6 لاکھ 45 ہزار روپے سے زائد وصول کیے ملزم قاسم شاہین نے شہری کو برطانیہ ملازمت کی غرض سے بھجوانے کے لیے 40 لاکھ روپے ہتھیائے
ملزمان شہریوں کو بیرون ملک بھجوانے میں ناکام رہےملزمان بھاری رقوم وصول کر کے روپوش ہو گئے تھے ملزمان کو گرفتار کر کے تفتیش کا آغاز کر دیا گیا ملزمان کے ساتھ شریک دیگر ملزمان کی گرفتاری کے لئے چھاپے مارے جا رہے ہیں.
