اسلام آباد (کرائم رپورٹر)فرینڈز آف پولیس پروگرام کے تحت شہید ذوالفقار علی بھٹو انسٹیٹیو ٹ آف سائنس اینڈ ٹیکنالوجی کے طلباءکے وفد کاآپریشنز ڈویژن کا دورہ، وفد کو مرکزی نظام،اس کے طریقہ کار اور افادیت کے بارے میں مکمل آگاہ کیا گیا،جبکہ شہر میں پٹرولنگ اور پولیس کی موثر کارکردگی اور افادیت کے بارے میں بھی بتایا گیا۔
تفصیلات کے مطابق فرینڈز آف پولیس پروگرام کے تحت شہید ذوالفقار علی بھٹو انسٹیٹیو ٹ آف سائنس اینڈ ٹیکنالوجی کے طلباءکے وفدنے آپریشنز ڈویژن کا دورہ کیا،وفد کوایس پی ڈولفن خالد محمود اعوان نے آپریشنز ڈویژن کے مرکزی نظام اور اس کے طریقہ کار اور افادیت کے بارے میں بریف کیا،انہوں نے وفد کو آپریشنز ڈویژن کا دورہ کرواتے ہوئے پولیس کے مرکزی نظام، تھانہ جات، دفاتر کی ورکنگ، تفتیش، کیمو نٹی پولیسنگ، پٹرولنگ اورنا کہ جات کے حو الے سے آ گا ہ کیا،وفد کو شہر میں پٹرولنگ اور پولیس کی موثر کارکردگی اور افادیت کے بارے میں بتایا گیا کہ شہر کی سلامتی.
جرائم کے سدِباب اور شہریوں کی جان و مال کے تحفظ میں اسلام آباد پولیس آپریشنز ڈویژن اہم کردار ادا کر رہا ہے، وفد کو مزید بتایا گیا کہ شہر کے داخلی و خارجی راستوں پر موجود ناکہ جات تلاشی اور کوائف کے اندارج کے دوران جرائم کے انسداد اور مشکوک عناصر کی نشاندہی میں اہم کردار ادا کر رہے ہیں، وفد کے شرکاءنے اسلام آباد پولیس کے جدید تکنیکی نظام اور اس کی افادیت کو سراہااور اس کامیاب دورے پر ڈی آئی جی اسلام آباد محمد جواد طارق اور ان کی ٹیم کا خصوصی طور پر شکریہ ادا کیا.
