اسلام آبا د (کرائم رپورٹر )ڈی جی سیف سٹی شاکر حسین داوڑ کی زیرِ صدارت اہم میٹنگ کا انعقاد میٹنگ میں پرائیویٹ سوسائٹیوں میں نصب کیمرہ جات کو سیف سٹی کمانڈ اینڈ کنٹرول سنٹر سے منسلک کرنے پر تبادلہ خیال کیا گیا تاکہ جرائم پیشہ عناصر پر مزید کڑی نظر رکھی جا سکے۔
تفصیلات کے مطابق دائریکٹر جنرل سیف سٹی اسلام آباد شاکر حسین داوڑ کی زیرِ صدارت اہم میٹنگ کا انعقاد ہوا،میٹنگ میں ایس ایس پی سیف سٹی ڈاکٹر محمد اقبال، ڈائریکٹر آئی ٹی، ڈائریکٹر سسٹم اور دیگر ٹیکنیکل ٹیمز نے شرکت کی، میٹنگ میں پرائیویٹ سوسائٹیوں میں نصب کیمرہ جات کو سیف سٹی کمانڈ اینڈ کنٹرول سنٹر سے منسلک کرنے پر تبادلہ خیال کیا گیا تاکہ جرائم پیشہ عناصر پر مزید کڑی نظر رکھی جا سکے، اس موقع پر ڈی جی سیف سٹی اسلام آباد نے افسران کو ہدایات جاری کرتے ہوئے کہا کہ جدید تکنیک کو استعمال کرتے ہوئے سیف سٹی کیمروں کی استعداد کار کو مزید بڑھانے کے ساتھ ساتھ شہر بھر میں سرویلنس اور مانیٹرنگ کے نظام کو بہتر بنایا جائے اورسیف سٹی اسلام آباد کی سروسز کو موثربنانے کیلئے اس کے دائرہ کار کو بڑھایا جائے.
انہوں نے مزیدکہا کہ بدلتے ہوئے دور کے عین مطابق جدید تکنیک اور موجودہ وسائل کو بروئے کار لایا جائے تاکہ انفرادی کارکردگی کو مزید بہتر بنایا جاسکے، انہوں نے کہا کہ موجودہ اورآنے والے دورمیں آئی ٹی کا نمایاں کردار ہے اور تمام عوامل میں اس کا استعمال مرکزی کردارکی اہمیت کاہے اسی لئے ہمیں چاہیے کہ ہم اس میں پیشہ وارانہ انداز میں مہارت حاصل کریں تاکہ آنے والے جدید دور میں اس کے موثر استعمال کو یقینی بنایا جاسکے.
