اسلام آبا د(کرائم رپورٹر ) ایس پی ڈولفن خا لد محمود اعوان کا پولیس افسران کو درپیش محکمانہ اور ذاتی نوعیت کے مسائل کے بروقت اور ترجیحی بنیادوں پر حل کو یقینی بنانے کیلئے اردل روم کا انعقاد،اردل روم کامقصد پولیس افسران کے مسائل کو ترجیحی بنیادوں پر حل کرنا ہے۔
تفصیلات کے مطابق ایس پی ڈولفن خا لد محمود اعوان نے ڈولفن پولیس افسران کو درپیش محکمانہ اور ذاتی نوعیت کے مسائل کے بروقت اور ترجیحی بنیادوں پر حل کو یقینی بنانے کیلئے اردل روم کا انعقاد کیا، جس میں پولیس افسران نے شرکت کی، اردل روم میں پولیس افسران نے سرکاری اور ذاتی نوعیت کے مسائل ایس پی ڈولفن کے سامنے رکھے،حل طلب مسائل کیلئے موقع پر ہی احکامات جاری کئے گئے باقی مسائل کے حل کے لئے متعلقہ افسران کو احکامات جاری کئے.
اس موقع پر انہوں نے کہا کہ آپ کو کسی بھی قسم کا مسئلہ درپیش ہو تو میر ے دفتر کادروازہ آپ کے لئے ہمیشہ کھلا ہے، ہم سب نے مل کر اس شہر کی بہتری میں اپنا کردار ادا کرنا ہے،انہوں نے مزید کہا کہ اردل روم کے انعقاد کا مقصد پولیس افسران کی ویلفئیر سمیت ذاتی و سرکاری مسائل کو ترجیحی بنیادوں پر حل کرنے کے ساتھ ان کے مورال کو بلند کرنا ہے.
