اسلام آباد (کرائم رپورٹر)ڈی جی سیف سٹی شاکر حسین داوڑ نے سیف سٹی کیمرہ جات سے براہِ راست ہونے والی سرویلنس کا جائزہ لیا اور شفٹ انچارج کو مزید بہتری کی ہدایات جاری کیں۔تفصیلات کے مطابق ڈائریکٹر جنرل سیف سٹی اسلام آباد شاکر حسین داوڑ نے سیف سٹی کمانڈ کنٹرول سنٹر کا دورہ کیا،اس موقع پر سینئر افسران بھی موجود تھے،ڈی جی سیف سٹی نے کیمرہ جات سے براہِ راست ہونے والی سرویلنس کا جائزہ لیا اور شفٹ انچارج کو مزید بہتری کی ہدایات جاری کیں .
انہوں نے افسران کو ہدایات جاری کرتے ہوئے کہا کہ جدید تکنیک کو استعمال کرتے ہوئے سیف سٹی کیمروں کی استعداد کار کو مزید بڑھانے کے ساتھ ساتھ شہر بھر میں سرویلنس اور مانیٹرنگ کے نظام کو بہتر بنایا جائے اور سیف سٹی اسلام آباد کی سروسز کو موثر بنانے کیلئے اس کے دائرہ کار کو بڑھایا جائے،انہوں نے مزید کہا کہ بدلتے ہوئے دور کے عین مطابق جدید تکنیک اور موجودہ وسائل کو بروئے کار لایا جائے تاکہ انفرادی کارکردگی کو مزید بہتر بنایا جاسکے، انہوں نے کہا کہ موجودہ اور آنے والے دورمیں آئی ٹی کا نمایاں کردار ہے اور تمام عوامل میں اس کا استعمال مرکزی کردار کی اہمیت کاہے.
اسی لئے ہمیں چاہیے کہ ہم اس میں پیشہ وارانہ انداز میں مہارت حاصل کریں تاکہ آنے والے جدید دور میں اس کے موثر استعمال کو یقینی بنایا جاسکے۔
