اسلام آباد (کرائم رپورٹر ) ایس پی ڈولفن خالد محمود اعوان کا ہسپتال کا دورہ ایس پی ڈولفن نے زیر علاج پولیس افسر کی تیمارداری کی،ڈاکٹروں سے ملاقات کی اور پولیس افسر کی صحت کی صورتحال کے متعلق بریفنگ لی،انہوں نے متعلقہ سٹاف کو زیر علاج پولیس افسرکے بہتر علاج معالجے کے لئے ہدایات جاری کیں۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کے خصوصی احکامات کی روشنی میں ایس پی ڈولفن خالد محمود اعوان نے ہسپتال کا دورہ کیا،انہوں نے زیر علاج پولیس افسرکی تیمارداری کی، ایس پی ڈولفن نے ڈاکٹروں سے بھی ملاقات کی اور پولیس افسر کی صحت کی صورتحال کے متعلق بریفنگ لی،اس موقع پر انہوں نے متعلقہ سٹاف کو زیر علاج پولیس افسرکے بہتر علاج معالجے کیلئے ہدایات بھی جاری کیں، ایس پی ڈولفن نے کہا کہ یہ افسران اپنی جانوں کی پرواہ کئے بغیر شہریوں کی جان و مال کے تحفظ کے لئے ہمہ وقت تیار رہتے ہیں، انہوں نے مزید کہا کہ تمام پولیس افسران ہماری فیملی ہیں اور ان کا برابر خیال رکھا جائے گا.
