اسلام آباد (کرائم رپورٹر )آئی جی اسلام آباد سید علی ناصر رضوی کی زیر صدارت اہم اجلاسوں کا انعقاد اجلاس میںڈویژنل کمانڈرز کی کارکردگی سمیت سکیورٹی اور امن و امان کا تفصیلی جائزہ لیا،سپیشل برانچ کے افسران معلومات اکٹھی کرنے کے نظام میں مزید بہتری لائیں،جبکہ جرائم کی روک تھام اور موثر نگرانی کےلئے جدید ٹیکنالوجی کے استعمال کیلئے خصوصی ہدایات بھی جاری کیں۔
تفصیلات کے مطابق انسپکٹر جنرل آف پولیس اسلام آباد سید علی ناصررضوی کی زیر صدارت سنٹرل پولیس آفس اسلام آباد میں اہم اجلاسوں کا انعقاد ہوا، آئی جی اسلام آباد نے ڈی آئی جیز، اے آئی جیز، ایس ایس پیز اور سپیشل برانچ کے افسران کے ساتھ اہم میٹنگزکیں،اس موقع پر انہوں نے ڈویژنل کمانڈرز کی کارکردگی سمیت وفاقی دارالحکومت کی سکیورٹی اور امن و امان کا تفصیلی جائزہ لیا،انہوںنے ہدایات جاری کرتے ہوئے کہا کہ سپیشل برانچ کے افسران معلومات اکٹھی کرنے کے نظام میں مزید بہتری لائیں .
تمام افسران خفیہ معلومات کے موثر تبادلے اور انٹیلی جنس بیسڈ آپریشنز کو جاری رکھیں،آئی جی اسلام آباد نے تمام افسران کو قانون نافذ کرنے والے اداروں کے درمیان روابط مزید مستحکم کرنے کی بھی ہدایت کی، انہوں نے شہر میں ٹریفک انتظاما ت کابھی جائزہ لیااور افسران کو شہر بھر میں ٹریفک کی موثر روانی کو یقینی بنانے کی ہدایت کی اور کہا کہ دفتری اوقات میں ٹریفک کی موثرمینیجمنٹ کو یقینی بنایا جائے اورٹریفک قوانین کی خلاف ورزی کرنے والوں کے خلاف سخت اور بلا تفریق قانونی کا رروائی جاری رکھی جائیں اورشہریوں کے جان و مال کے تحفظ کو ہر صورت یقینی بنایا جائے.
انہوں نے پولیس ٹریننگ کالج میں کیپسٹی بلڈنگ کورسز کے آغاز کے لئے بھی خصوصی احکامات جاری کئے،آئی جی اسلام آبادنے کہا کہ اسلام آباد پولیس جرائم کی روک تھام اور شہر بھرمیں موثر نگرانی کے لئے جدید ٹیکنالوجی کا استعمال کررہی ہے،جبکہ انٹیلی جنس اور ٹیکنالوجی کو یکجا کر کے شہر کے تحفظ کو یقینی بنانے سمیت شہر میں گشت اور چیکنگ کے نظام کو مزید موثر بنایا جارہا ہے، انہوں نے مزید کہا کہ وفاقی دارلحکومت اسلام آباد میں شہریوں کو بہترین سہولیات کی فراہمی اسلام آباد پولیس کی اولین ترجیح ہے.
