اسلام آبا د (کرائم رپورٹر )ایف آئی اے کمپوزٹ سرکل گوادر نے مختلف چھاپہ مار کارروائیوں کے دوران مجموعی طور پر 14 ملزمان کو گرفتار کر لیا ہے جن میں ایرانی شہری بھی شامل ہیں۔
گرفتار شدگان میں سے 3 افراد کا تعلق گوجرانوالہ، 3 کا منڈی بہاءالدین، 4 کا سانگھڑ اور 3 کا شیخوپورہ سے ہے۔ ابتدائی تفتیش کے مطابق 9 ملزمان نے غیر قانونی طور پر سمندر کے راستے ایران جانے کی کوشش کی تھی، جبکہ 5 ملزمان کو غیر قانونی طور پر پاکستان میں داخل ہونے کے الزام میں گرفتار کیا گیا ہے۔
ملزمان کو جیوانی کے قریب سے گرفتار کیا گیا، جہاں انہوں نے پی بی 250 گبد لینڈ روٹ کے ذریعے غیر قانونی طور پر پاکستان میں داخل ہونے کی کوشش کی۔ ملزمان پر مقدمات درج کر لئے گئے ہیں اور ان کی مزید تفتیش جاری ہے۔
ایف آئی اے حکام نے کہا ہے کہ گرفتار ملزمان کے خلاف سخت کارروائی کی جائے گی تاکہ غیر قانونی نقل و حمل اور سرحد پار جرائم کو روکا جا سکے۔
