اسلام آ باد (کرائم رپورٹر )اسلام آبادپولیس سے ریٹائرڈ ہونے والے وائرلیس سٹاف کے انسپکٹر طارق سعید کے اعزاز میں ایک پروقار الوداعی تقریب کا انعقادکیا گیا، سینئر افسران نے ریٹائرڈ آفیسرکو اعزازی پولیس شیلڈ پیش کی اور مستقبل کیلئے نیک تمناﺅں کا اظہار کیا۔
تفصیلات کے مطابق اسلام آبادپولیس سے ریٹائرڈ ہونے والے وائرلیس سٹاف کے انسپکٹر طارق سعید کے اعزاز میںایک پروقار الوداعی تقریب کا انعقادکیا گیا،تقریب میں سینئر افسران بھی موجود تھے،افسران نے ریٹائر ہونے والے انسپکٹر طارق سعید کی محکمہ پولیس کے لئے کی گئی خدمات کو سراہتے ہوئے کہا کہ ریٹائرمنٹ سروس کا حصہ ہے جس نے سروس شروع کی وہ ایک دن ریٹائر بھی ہو گا،آپ نے ایک لمبی عرصہ محکمہ پولیس کی خدمت کی ہے، دوران سروس ہم سب کی کوشش ہونی چاہیے کہ ایسے کام کیے جائیں جس سے آپ کا نام روشن ہو اور آپ کے کردار کو اچھے الفاظ میں یاد رکھا جائے،ہمیں اس بات کا عہد کرنا چاہیے کہ سروس کے دوران زیادہ سے زیادہ عوامی خدمت کرکے اللہ کی خوشنودی حاصل کی جائے .
اس موقع پر ریٹائرڈ ہونیوالے انسپکٹر طارق سعید نے عزت افزائی پر خوشی کا اظہار کرتے ہوئے محکمہ پولیس کا شکریہ ادا کیا ،تقریب کے آخر میں ریٹائرڈ ہونے والے افسرکی خد مات کو سراہتے ہوئے انہیںاعزازی پولیس شیلڈز اور تحائف سے نوازا گیااور ان کے مستقبل کیلئے نیک خواہشات کا اظہار بھی کیاگیا۔
