اسلام آباد (کرائم رپورٹر )آئی جی اسلام آباد سید علی ناصر رضوی کی زیر صدارت سیف سٹی اسلام آباد میں آپریشنل کمانڈرزکانفرنس تمام افسران ادارہ جاتی وباہمی تعاون کو کو یقینی بناتے ہوئے ٹیم ورک کویقینی بنائیں،شہرمیں امن و امان کی قیام کے ساتھ جرائم کے انسداد کو یقینی بنایا جائے، اسلام آباد پولیس کو جدید ٹیکنالوجی کے ساتھ لیس کرنے،غیرملکی مہمانوں اور وفود کی آمدورفت کے دوران ٹریفک کی روانی کوبرقرار رکھنے اور شہریوں کو متبادل راستوں کی آگاہی کے احکامات بھی جاری کئے۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کی زیر صدارت سیف سٹی اسلام آباد میں آپریشنل کمانڈرز کانفرنس کا انعقاد کیا گیا، جس میں ڈی آئی جیز ،اے آئی جیز ،ایس ایس پیز اور ایس پیز نے شرکت کیں،آئی جی اسلام آباد نے تمام افسران کی کارکردگی کا جائزہ لیا، انہوں نے شہر میں امن و امان کی صورتحال ،سکیورٹی اقدامات اور ٹریفک کے نظام کا بھی جائزہ لیا،اس موقع پر انہوں نے ہدایات جاری کرتے ہوئے کہا کہ تمام افسران ادارہ جاتی تعاون کو یقینی بنائیں اور باہمی تعاون کے ذریعے ٹیم ورک کریں،فرائض منصبی میں کسی قسم کی کوتاہی اور لاپرواہی ہر گز برداشت نہیں کی جائے گی، انہوں نے مزید کہا کہ اسلام آباد پولیس کو مزید جدید ٹیکنالوجی کے ساتھ لیس کیا جائے ،شہر میں موثر نگرانی کی بدولت جرائم پیشہ عناصر کے انسداد کو یقینی بنانے کے ساتھ شہر بھر میں ٹریفک کی روانی کو بھی مزید بہتر بنایا جائے.
غیر ملکی مہمانوں ،وفود کی آمدورفت اور رش آورز کے دوران ٹریفک کی روانی کو یقینی بنانے کے ساتھ شہریوں کو متابادل راستوں کے متعلق بھی آگاہی فراہم کی جائے، انہوں نے سینئر پولیس افسران کو شہریوں کی سہولت کے پیش نظر شہر بھر میں مزید ڈرائیونگ ٹیسٹ ٹریک بنانے کے احکامات بھی جاری کئے تاکہ شہری بغیر انتظار اور دیگر مسائل کے فوراًاپناڈرائیونگ لائسنس بنوا سکیں ،آئی جی اسلام آباد نے جدید وسائل کو بروئے کار لاتے ہوئے موثر سکیورٹی انتظامات کو یقینی بنانے اور تفتیش کے معیار کو بہتر کرنے کے احکامات بھی جاری کئے، انہوں نے مزید کہا کہ اسلام آباد پولیس شہریوں کے تحفظ، خدمت اور قانون کی بالادستی کے لئے ہر محاذ پر سرگرمِ عمل ہے،وفاقی دارلحکومت اسلام آباد میں امن و امان کا قیام ،شہر بھر کی موثر سکیورٹی ،جرائم کا انسداد ،ٹریفک کی روانی اور شہریوں کو بھرپور سہولیات کی فراہمی کو یقینی بنانا ہی ہماری اولین ترجیحات میں شامل ہے.
