اسلام آباد(کرائم رپورٹر ) خاتون کے قتل میں ملوث اشتہاری ملزم عبدالرزاق کو سعودی عرب سے گرفتار کر کے اسلام آباد ایئرپورٹ منتقل کر دیا گیا ہے۔ ملزم گزشتہ سال خاتون کو قتل کر کے بیرون ملک فرار ہو گیا تھا اور وہ پنجاب پولیس کے مطلوب تھا۔
ملزم عبدالرزاق کے خلاف قتل کی دفعات کے تحت تھانہ سودراں، گجرانوالہ میں مقدمہ درج تھا۔ ایف آئی اے این سی بی انٹرپول نے ملزم کی گرفتاری کے لیے ریڈ نوٹس جاری کیا تھا، جس کے بعد انٹرپول اسلام آباد اور انٹرپول ریاض کے درمیان قریبی رابطہ کاری کے نتیجے میں ملزم کو گرفتار کیا گیا۔
گرفتار ملزم کو بعد ازاں ایف آئی اے امیگریشن اسلام آباد نے پنجاب پولیس حکام کے حوالے کر دیا ہے۔ اس کامیاب کارروائی کو انٹرنیشنل تعاون کی ایک بہترین مثال قرار دیا جا رہا ہے۔
