اسلام آباد (کرائم رپورٹر )آئی جی اسلام آباد سید علی ناصر رضوی کی ہدایت پر ٹریفک پولیس کی ڈرائیونگ لائسنس مہم ، مہم کے کامیاب انعقاد پر آئی جی اسلام آباد نے سینئرپولیس افسران، فرینڈز آف پولیس اور ٹریفک پولیس کے افسران کے اعزاز میں تقریب کا انعقاد کیا،انہوں نے مہم کو کامیاب بنانے پر پولیس افسران اور رضاکاروں کو زبردست خراج تحسین پیش کیا۔
تفصیلات کے مطابق انسپکٹر جنرل آف پولیس اسلام آباد سید علی ناصر رضوی کی ہدایت پر اسلام آباد ٹریفک پولیس نے ڈرائیونگ لائسنس مہم شروع کی تھی، مہم کے کامیاب انعقاد پر آئی جی اسلام آباد نے سینئرپولیس افسران، فرینڈز آف پولیس اور اسلام آباد ٹریفک پولیس کے افسران کے اعزاز میں ٹریف پولیس ہیڈکوارٹرز میں تقریب کا انعقاد کیا،جس میں ڈی آئی جی ٹریفک محمد ہارون جوئیہ ، سی ٹی اواسلام آباد کیپٹن ریٹائرڈ محمد حمزہ ہمایوں ،ٹریفک پولیس افسران ،رضاکاروں اور اسلام آباد پولیس منسٹریل سٹاف نے شرکت کی،آئی جی اسلام آباد نے مہم کو کامیاب بنانے پر پولیس افسران اور رضاکاروں کو زبردست خراج تحسین پیش کیا.
اس موقع پر انہوں نے کہا کہ شہریوں کی سہولت، قانون کی پاسداری اور ذمہ دارانہ ڈرائیونگ کے فروغ کے لئے اسلام آباد ٹریفک پولیس کی خدمات قابلِ تحسین ہیں،ایسی مثبت کمپین سے نہ صرف عوام میں قانون کی آگاہی بڑھتی ہے بلکہ شہریوں اور پولیس کے درمیان اعتماد میں بھی اضافہ ہوتا ہے،انہوں نے مزید کہا کہ اسلام آباد پولیس کمیونٹی پولیسنگ کے فروغ پر یقین رکھتی ہے،پولیس افسران اور جوانوں نے شہریوں کے ساتھ جس خوش اخلاقی، تعاون اور فرض شناسی کے جذبے کا مظاہرہ کیا، آئندہ بھی شہریوں کے لئے اسی جذبے کے ساتھ عوامی سہولت کے منصوبے جاری رکھے جائیں اور عوامی اعتماد کے رشتے کو مزید مضبوط بنایا جائے۔
