اسلام آباد کے تھانہ بھارہ کہو کی حدود میں 9 سال کی یتیم بچی کی موت کے بعد بچی کے دادا اور سوتیلی دادی کو گرفتار کر لیا گیا۔
بچی کے جسم پر تشدد کے نشانات پائے گئے جبکہ ترجمان اسلام آباد پولیس کے مطابق اہل علاقہ کے بیانات کے مطابق بچی چھت سے گری ہے۔
بچی اپنے دادا اور سوتیلی دادی کے ساتھ رہتی تھی، بچی کی والدہ کی درخواست پر مقدمہ درج کر کے دادا اور سوتیلی دادی کو گرفتار کر کے تحقیقات کا آغاز کر دیا گیا ہے۔
