اسلام آباد:(سی این پی) قومی احتساب بیورو (نیب) کے نئے چیئرمین کی تعیناتی کیلئے وزارت قانون پیر تک سمری صدر مملکت کو بھجوائے گی۔ وزیراعظم عمران خان نے وزیر قانون کو اس حوالے سے احکامات جاری کردیے ہیں۔ نئےقانون کے تحت صدر مملکت وزیراعظم اور اپوزیشن لیڈر سے تحریری مشاورت کریں گے جس کے بعد نئے چیئرمین نیب کی تعیناتی عمل میں آئے گی۔ ذرائع کے مطابق نئے چیئرمین نیب کے لیے صدر مملکت پہلے وزیراعظم سے بذریعہ خط نام طلب کریں گے۔ صدر مملکت وزیراعظم سے موصول نام قائد حزب اختلاف کوبھیجیں گے، نام پر اتفاق نہ ہوا تو تعیناتی کا معاملہ پارلیمانی کمیٹی کو جائے گا۔
