تحریک انصاف کے رہنما شوکت یوسفزئی نے ملک میں بے روز گاری ، مہنگائی کو بلدیاتی الیکشن میں شکست کی وجہ قرار

پشاور(سی این پی) تحریک انصاف کے رہنما شوکت یوسفزئی نے ملک میں بے روز گاری ، مہنگائی کو بلدیاتی الیکشن میں شکست کی وجہ قرار دے دیا۔ تحریک انصاف حکومت پر کرپشن کا کوئی الزام نہیں،انہوں نے کہا کہ وزیراعظم کو مہنگائی کا احساس ہے، دو تین ماہ میں مہنگائی کم کرنے کی کوشش کریں گے۔ شوکت یوسفزئی نے میڈیا سے گفتگو کرتے ہوئے کہا کہ پاکستان پہلی بار نچلی سطح کے بڑے الیکشن کا انعقاد کیا گیا، 2 تین واقعات کے علاوہ کوئی اور واقعہ پیش نہیں آیا، خیبرپختونخوا کی عوام نے بڑھ چڑھ کر حصہ لیا جو خوش آئند ہے، جہاں غلطیاں ہوئی، دوسرے مرحلے میں نہیں دہرائیں گے۔شوکت یوسفزئی کا کہنا تھا کہ شکر ہے ایم این اے، ایم پی ایز تک رسائی نہیں حاصل تھی، اس لیے بھی ہار کا سامنا کرنا پڑا، تحریک انصاف کا ووٹ کم نہیں ہوا، آئندہ انتخابات میں جیت جائیں گے۔