وفاقی پولیس نے کہا ہے کہ کسی بھی ایونٹ یا امن و امان کی صورتحال کے دوران ریڈ زون کو “ویپن فری زون” قرار دیا جائے گا۔ہمیشہ کی طرح امن و امان کی صورتحال کے دوران ڈیوٹی پر موجود پولیس فورس ہتھیار نہیں لے کر جائے گی۔صرف مجاز افسران کو ہتھیار لے جانے کی اجازت ہوگی۔ مجاز افسران میں آئی سی ٹی پولیس کے اہلکار شامل ہوں گے جو ایسکارٹ یا گن مین ڈیوٹی پر ہیں جن میں سینئر پولیس افسران، معزز ججز، وی وی آئی پیز یا وی آئی پیز شامل ہیں۔مجاز پولیس افسران کو ایسی ڈیوٹی پر بھیجنے سے پہلے اچھی طرح سے جانچ پڑتال کی جائے گی۔ایسے افسران کے نفسیاتی اور طبی ٹیسٹ باقاعدگی سے کرائے جائیں اور کسی بھی تضاد کی صورت میں ایسے افسر کو اسکارٹ یا گن مین ڈیوٹی انجام دینے کی اجازت نہ دی جائے۔ہتھیار لے جانے والے پولیس افسران کی تصدیق انٹیلی جنس بیورو اور اسپیشل برانچ سے ان کی سیاسی اور مذہبی وابستگی کے حوالے سے کی جائے گی۔اسلام آباد پولیس کے علاوہ کسی بھی شخص یا قانون نافذ کرنے والی ایجنسی کو ہتھیار رکھنے والے کو ریڈ زون میں داخل ہونے کی اجازت نہیں ہوگی۔خلاف ورزی کی صورت میں سخت کارروائی کی جائے گی۔
وفاقی پولیس کا ریڈ زون کو’’ ویپن فری زون ‘‘ قرار دینے کا فیصلہ، صرف مجاز افسران کو ہتھیار لیجانے کی اجازت ہو گی
