اسلام آباد کے سیکٹر آئی 10 میں دھماکا ہوگیا جس کے نتیجے میں ایک پولیس اہلکار شہید جبکہ 5 زخمی ہونے کی اطلاعات ہیں۔ ذرائع کے مطابق پولیس کی گاڑیاں مشکوک گاڑی کا پیچھے کر رہی تھیں جیسے ہی پولیس وین قریب پہنچی تو گاڑی میں دھماکا ہو گیا جس کے نتیجے میں اہلکاروں کے زخمی ہونے کی اطلاعات موصول ہوئی ہیں جبکہ ایک پولیس اہلکار شہید ہو گیا۔
پولیس نے مبینہ حملہ آور کی ہلاکت کی تصدیق کر دی جبکہ دھماکے کی نوعیت اور وجہ کا تعین کیا جارہا ہے۔پولیس نے علاقے کو گھیرے میں لے کر ابتدائی معلومات اکٹھی کرنا شروع کر دی ہیں۔زخمی ہونے والے پولیس اہلکاروں کو ابتدائی طبی امداد دی جا رہی ہے جبکہ 5 اہلکار شدید زخمی ہیں۔ذرائع کا کہنا ہے کہ اس علاقے میں پہلے بھی دہشت گردی کے واقعات ہوتے رہتے ہیں۔
