اسلام آباد۔چیئرمین پی ٹی آئی کوعمران خان کو سائفر گمشدگی کیس میں بھی گرفتار کرلیا گیا۔عمران خان توشہ خانہ کیس میں اس وقت اٹک جیل میں تین سال قید کی سزا کاٹ رہے ہیں

اسلام آباد۔چیئرمین پی ٹی آئی کوعمران خان کو سائفر گمشدگی کیس میں بھی گرفتار کرلیا گیا۔عمران خان توشہ خانہ کیس میں اس وقت اٹک جیل میں تین سال قید کی سزا کاٹ رہے ہیں،ایف آئی اے نے شاہ محمود قریشی کوہفتہ کے روز ان کے گھر سے گرفتار کر لیا۔چیئرمین پی ٹی آئی اور شاہ محمود قریشی کے خلاف سائفر کیس میں ایف آئی آر درج ہوچکی ہے۔سابق وزیراعظم اور سابق وزیر خارجہ کیخلاف ایف آئی آر 15 اگست کو درج کی گئی اور یہ مقدمہ آفیشل سیکرٹ ایکٹ کے تحت درج کیا گیا۔پی ٹی آئی کے غداروں نے میری جان خطرے میں ڈال دی ہے: وکیل عمران خان ایف آئی آر کے متن کے مطابق سابق وزیراعظم اور سابق وزیرخارجہ نے سائفرمیں موجود اطلاعات غیرمجاز افراد تک پہنچائیں، حقائق کو توڑ مروڑ کر پیش کیا۔ایف آئی آر میں کہا گیا ہے کہ سابق وزیراعظم اور سابق وزیرخارجہ نے مذموم مقاصد اور ذاتی فائدے کے لیے حقائق کو مسخ کیا اور دونوں نے ریاست کے مفادات کو خطرے میں ڈالا، مذموم مقاصد کی تکمیل کے لیے سائفر کے مندرجات کے غلط استعمال کی سازش کی گئی۔ایف آئی آر کے مطابق 28 مارچ کو بنی گالہ اجلاس میں سائفر کے مندرجات کے غلط استعمال کی سازش کی گئی، سابق وزیراعظم نے اعظم خان کو سائفر پیغام کے مندرجات میں ہیر پھیر کرنے کو کہا، عمران خان نے قومی سلامتی کی قیمت پر اپنے مذموم مقاصد کے لیے سائفر کو استعمال کیا۔