نواز شریف سے راجہ ریاض کی ملاقات،ن لیگ میں شامل ہوگئے

لندن (سی این پی)سابق وزیر اعظم اورمسلم لیگ (ن) کے قائد نواز شریف سے سابق اپوزیشن لیڈر راجہ ریاض نے لندن میں ملاقات کی ہے اور ن لیگ میں باقاعدہ شمولیت اختیار کرلی۔

میڈیا سے گفتگو میں سابق قائد حزب اختلاف قومی اسمبلی راجہ ریاض نے کہا ہے کہ آئندہ چند دنوں میں اہم فیصلے ہوں گے، انہوں نے عام انتخابات کیلئے 15فروری کی تاریخ دی ہے، الیکشن اس سے ہفتہ پہلے یا بعد میں ہوں گے ،ان کا مزید کہنا تھا کہ نواز شریف کا زبردست استقبال ہوگا، ان کا اپنا ووٹ بینک ہے، مسلم لیگ پرانی جماعت ہے، اس کے فالوورز گہرائی تک ہیں۔