سابق آرمی چیف ڈیٹالیک کیس،صحافی شاہد اسلم،ایف بی آر ملازمین پرفردجرم کی تاریخ مقرر

اسلام آباد(سی این پی)سابق آرمی چیف جنرل قمر جاوید باجوہ کے ایف بی آر ڈیٹالیک کیس میں شاہد اسلم اور ایف بی آر ملازمین پر فرد جرم کیلئے 9 نومبر کی تاریخ مقرر کردی گئی۔تفصیلات کے مطابق اسپیشل جج سنٹرل شاہ رخ ارجمند نے فرد جرم عائد کرنے کی تاریخ مقرر کی،شاہد اسلم اور ایف بی آر ملازمین کیس میں ضمانت بعد از گرفتاری پر ہیں،امریکہ میں موجود شریکِ ملزم احمد نورانی کو عدالت نے اشتہاری قرار دے رکھا ہے۔سابق آرمی چیف کے اثاثہ جات سے متعلق احمد نورانی نے 20 نومبر 2022 کو فیکٹ فوکس میں خبر شائع کی،خبر میں سابق آرمی چیف اور ان کے اہلِ خانہ پر ٹیکس ریٹرنز اور اثاثہ جات میں اضافے کا الزام ہے۔