رمضان پیکیج ختم،وزیر اعظم ریلیف پیکیج برقرار

اسلام آباد(سی این پی)حکومت کی ہدایت پر یوٹیلیٹی سٹورزپررمضان پیکیج ختم، کر نے کے احکامات کے بعد وزیراعظم ریلیف پیکج جاری رکھنےکا فیصلہ کرلیا گیا۔ذرائع کے مطابق وزیراعظم ریلیف پیکیج کے تحت 5 بنیادی اشیاء پر سبسڈی برقرار رہے گی، چینی،آٹا،گھی،دالوں اورچاول پربی آئی ایس پی صارفین کوسبسڈی ملے گی۔وزیراعظم ریلیف پیکیج کے تحت ماہانہ تقریبا3 ارب روپے کی سبسڈی دی جائے گی، یوٹیلیٹی سٹورزپر بی آئی ایس پی صارفین کے لیےچینی کی قیمت 109روپے فی کلو ہوگی، بی آئی ایس پی صارفین کیلئے 10 کلو آٹے کا تھیلا 648 روپے میں دستیاب ہوگا۔ذرائع نے بتایا کہ بی آئی ایس پی صارفین کے لیے گھی کی فی کلو قیمت 393 روپے مقرر کی گئی ہے، بی آئی ایس پی صارفین کو دالوں اورچاول پرفی کلو 25 روپے سبسڈی ملے گی۔ذرائع کا مزید کہنا تھا کہ یوٹیلیٹی سٹورز پروزیر اعظم پیکیج جون 2024 تک جاری رکھنے کا پلان ہے، آئندہ مالی سال کیلئے وزیر اعظم پیکیج جاری رکھنے سے متعلق فیصلہ وفاقی حکومت کرے گی۔