وانا۔۔شمالی وزیرستان کے اسپن وام علاقے میں سیکیورٹی فورسز اور خوارج کے درمیان شدید فائرنگ کا واقعہ پیش آیا، جس میں 6 دہشت گرد ہلاک ہو گئے۔
پاک فوج کے شعبہ تعلقات عامہ، آئی ایس پی آر کے مطابق، اس فائرنگ کے تبادلے کے دوران لیفٹیننٹ کرنل محمد علی شوکت، جو پانچ سپاہیوں کے ہمراہ شہید ہوئے، نے اپنی جان قربان کی۔
شہید ہونے والے جوانوں میں لانس نائیک محمد اللہ، لانس نائیک اختر زمان، لانس نائیک شاہد اللہ، لانس نائیک یوسف علی اور سپاہی جمیل احمد شامل ہیں۔ آئی ایس پی آر کے بیان میں کہا گیا ہے کہ ہمارے بہادر سپاہیوں کی یہ قربانیاں ہمارے عزم کو مزید مستحکم کرتی ہیں۔ پاکستان کی سیکیورٹی فورسز دہشت گردی کے خلاف مؤثر اقدامات کرنے کے لیے پُرعزم ہیں، اور علاقے میں موجود دیگر دہشت گردوں کا خاتمہ کرنے کے لیے سینی ٹائزیشن آپریشن جاری ہے۔
