اسلام آباد(نیوز رپورٹر)آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے صوبہ پنجاب کے ضلع اٹک کے سوغری بلاک میں سوغری نارتھ-1 کنویں سے بڑی گیس اور کنڈینسیٹ کی دریافت کا اعلان کیا ہے۔ او جی ڈی سی ایل اس بلاک کی واحد لائسنس ہولڈر ہے اور 100 ٖٖٖ فیصدورکنگ انٹرسٹ رکھتی ہے۔
تفصیلات کے مطابق کنویں کی کھودئی21 مئی 2024 کوشروع ہوئی اور 4,942 میٹر کی گہرائی پر نئی دریافت ہوئی۔ ابتدائی ٹیسٹنگ کے بعد، کنویں سے 13.95 ملین مکعب فٹ یومیہ (ایم ایم ایس سی ایف ڈی) گیس اور 430 بیرل یومیہ کنڈینسیٹ حاصل ہوا۔
یہ دریافت پاکستان کے مقامی توانائی کے وسائل میں اضافے اور درآمدات پر انحصار کم کرنے میں مددگار ثابت ہوگی۔ او جی ڈی سی ایل ملک میں توانائی کے ذخائر بڑھانے اور مزید دریافتوں کے لیے اپنی کوششیں جاری رکھے گا۔
