اسلام آباد (سپیشل رپورٹر )ایف آئی اے نے فیڈرل گورنمنٹ ایمپلائیز ہاؤسنگ فاؤنڈیشن کےپارک روڈ ہاؤسنگ پراجیکٹ میں کروڑوں روپے کی کرپشن، جعلی بینک گارنٹی کے مقد مہ میں ملوث پراجیکٹ ڈائریکٹر فنانس ڈائریکٹر سمیت چھ ملزمان کے وارنٹ گر فتاری جاری ہونے کے بعدایف آئی اے ٹیم نے ملزمان کمپنی ایچ آر کے مالک رب نواز بگٹی اور فنانس ڈائریکٹر کے گھروں پر چھاپے مارے تاہم ملزمان ان کے ہتھے نہ چڑھ سکے اور فرار ہونے میں کامیاب ہوگئے ۔ملزمان نے گرفتاری کے خوف سے عدالت سے رجوع کر کے عبوری ضمانت حاصل کرلی .
مقامی عدالت کا ملزم کو گرفتار نہ کرنے کا حکم اور آئندہ سماعت پر ریکارڈ سمیت طلب کرلیا ۔ دیگر ملزمان کی گر فتاری کے لئے ایف آئی اے نے ٹیموں کے چھاپے جاری ،کروڑوں روپے کی ادائیگی کرنے پر ایف آئی اے نےچھ ملزمان کے خلاف مقدمہ درج کیا تھا فیڈرل گورنمنٹ نے پارک روڈ ہاؤسنگ پروجیکٹ کے ڈائریکٹر غلام فرید اور ٹھیکے دار کمپنی ایچ ار کے مالک رب نواز بگٹی اسسٹنٹ ڈائریکٹر ، افضل جاوید ڈپٹی ڈائریکٹر اور ڈائریکٹر فنا نس محمد کاشف نے ملی بھگت کرتے ہوئے 71 کروڑ کی رقم جعلی بینک گارنٹی پر ادائیگی کر دی اور غلام فرید کاشف ڈائریکٹر فنا نس نے یہ ادائیگی کی تصدیق کر کے رقم دی مقد مہ میں ایف آئی اے اینٹی کرپشن نے موقف اختیا کیا کہ پارک روڈ ہاؤسنگ سکیم میں کرپشن کی گئی، ملزمان نے پہلے 35 کروڑ روپے اور بعد مکمل ادائیگی کی جبکہ یو بی ایل سے تصدیق کی رپورٹ 15 کو آئی جبکہ ملزمان نے ادائیگی 11 کو کر دی ملزمان نے ادائیگی پر موبلائزیشن مسح کسوال کی حدود میں اس پراجیکٹ میںجعلی بینک گارنٹی دی تھی ایف ائی اے نے مقدمہ درج کر کے ملزمان کی گرفتاری کے لیے چھاپے مارنے شروع کر دیے ہیں.
تاہم ابھی تک ملزمان گرفتار نہیں ہو سکے۔ جس پر ایف آئی اے نے عدالت سے چھ ملزمان کے وارنٹ گر فتاری حاصل کر لئے ہیں ملزمان کی گر فتاری کے لئے چھاپے مارنا شررع کر دئے ہیں ۔ ایف ائی اے نے فنا نس ڈائریکٹر محمد کاشف کے گھر پر چھاپہ مارا تو ملزم ایف اآئی اے کو جل دے کر فرار ہو گیا تا ہم دیگر ملزمان کی گر فتاری کے لئے ایف اآئی اے نے ٹیمں تشکیل دے دی ہیں ۔ایف آئی اے کے تفتیشی افسر کا کہنا ہے کہ ملزمان کو جلد گر فتار کر لیا جائے گا.
